茶記研究所

營業中

休息中

再過幾個月就要去日本啦...約咗表哥出嚟一齊計劃旅行嘅嘢就到表哥屋企附近想搵一間好有feel嘅地方傾吓偈～佢即刻推薦話一定要帶我嚟呢度試吓！佢已經連續食咗幾日，都仲食唔厭！為咗更加融入行程安排我哋嗌咗鐵板燒😁先感受吓美味嘅鐵板燒。唔鍾意食豬肉嘅我嗌咗【雞扒鐵板燒】，雞扒好juicy好大份啊！尤其係淋咗特製嘅黑椒汁，聞到醬汁嘅香味再加埋滋滋滋嘅聲🤤唔知有冇人同我一樣好鍾意將麵包搽咗牛油再蘸羅宋湯一齊食😍未試過嘅人一定要試！表哥就相反，係豬肉狂熱粉唔鍾意食雞肉，所以嗌咗【豬扒鐵板燒】。豬扒鐵板燒有驚艷到我。我唔鍾意食豬肉嘅原因係因為有啲豬扒會有陣豬肉臊味，呢個完全冇！廚師煮得好入味，而且肉質一點都唔鞋，配埋洋蔥汁，每一啖都好香口,仲要份量好勁💯飲品我哋分別嗌咗可可咖啡&奶茶，可可咖啡都算唔錯，朱古力同咖啡好香濃醇厚；奶茶入口順滑，帶點淡淡嘅奶香，細味後回甘帶澀嘅口感❤️原來呢D甘特別嘅咖啡係佢哋分店招牌總結呢度嘅選擇好多，仲有其他好似沙嗲麵，炒飯，豬扒飯，牛肉飯等等可以揀。重點係食物性價比好高，環境裝修都好,主打合理價錢，同大大份😆