富豪酒家

營業中

休息中

媽媽生日大日子，我身為乖乖女，帶媽咪去左出名食阿翁鮑魚既富豪酒家慶生。「富豪酒家」作為米芝蓮一星既餐廳，一向是「名人飯堂」，今次的「超值吉品鮑美食宴」，仲可以以較相宜的價錢食到優質的出品。超值吉品鮑美食宴 （$1180一位）🔸蟹肉竹笙燴花膠湯清味濃稠，花膠充滿骨膠原，非常足料，花膠、蟹肉份量好夠，配合爽口的竹笙，口感豐富。🔸35頭吉品鮑鵝掌鮑魚食落軟滑有口感，溏心鮑魚果然名不虛傳。而鵝掌肉腍入味，索晒鮑汁既精華，好滋味!🔸鮑魚汁唐生菜膽唐生菜膽爽脆，加埋鮑汁味道更佳。🔸蒜香老虎班頭腩班頭腩新鮮，魚皮厚，頭腩豐滿，多肉爽脆。🔸富豪脆皮炸子雞富豪酒家熱門招牌菜之一，師傅係雞腔內搽上適量細鹽入味風乾之後，並採用吊燒方法烹調。脆皮炸雞顏色好靚，雞皮香脆，肉質嫩滑多汁，雞味濃郁鮮甜。🔸迷你鮮蝦荷葉飯非常足料，每一種配料嘅香到滲入咗飯入面，粒粒飯散發着荷葉嘅香味，！ 🔸蛋白生磨杏仁茶杏仁味好香好濃，配埋陣陣蛋白，味道好夾！🔸精選甜美點兩款椰汁馬豆糕及合桃酥！椰汁馬豆糕椰汁味香濃，甜度適中，合桃酥好香脆，口感豐富！