渝痴漁醉

營業中

休息中

佢呢間嘢六點前收$108一位，冇加一冇其他收費就可以食足90分鐘。可以揀麻辣雞煲、胡椒豬肚雞煲、椰子雞煲、黔江一品煲、山珍八味菌煲、重慶麻辣鍋、秘製羊蝎子煲，仲可以加錢要條烤魚添。啤酒汽水茶嗰啲就任拎嘅，佢哋有一支桃汁幾好味，可以試吓拎嚟飲飲。今次我哋食胡椒豬肚雞煲，豬肚同埋雞嘅份量都好多，胡椒湯就夠晒入味，覺得啲雞唔夠食，出邊仲有好多新鮮雞件可以拎。又有肥牛、豬腩片、菜、丸任拎，一定夠飽。我哋就每人加多$40可以任叫蝦串、魷魚串、滑牛、龍脷魚。其中魷魚串幾出色嘅，如果配落麻辣煲度就一流啦，不過今次就朋友唔食辣。真係食足90分鐘，均真超值。