Sick Burger (MOSTown新港城中心(5期))

營業中

休息中

估唔到美食沙漠都竟然搵到好嘢食，之前都聽過呢間漢堡包店，但一直未搵到機會去試，今日終於扚起心肝去咗食佢哋嘅burger估唔到仲發掘咗Hidden Gem🫡.先講咗我個人最愛嘅開心果麻糬西多士，睇圖都見到幾咁足料啦，無論係開心果碎同開心果醬都好多。中間切落去會見到麻糬，有少少拉絲嘅感覺，西多士係新鮮整嘅所以會帶少少脆口，再配埋開心果碎同開心果醬食落真係好正啊！.再嚟嘅係金沙咸蛋黃紫菜薯條，除咗因為係新鮮紮起，所以特別好食之外，佢炸之前感覺上好似裹咗一層鹹蛋黃喺外面，食落帶有鹹蛋黃嘅香味。再配埋蛋黃醬，真係好正🤤呢個聽講係馬鞍山先有嘅，佢都係一個手工嘅蛋麵食落煙煙韌韌。上面仲配搭咗牛肉碎同埋蛋黃，食落去有少少日式嘅感覺，再配埋濃郁嘅蕃茄湯底食落酸酸甜甜。作為午餐，都係一個幾好嘅選擇。