四面泰泰式火鍋

營業中

休息中

今日喺沙田行街，發現一間泰式火鍋店，見到門口餐牌上面嘅泰式湯底好特別，平時都鍾意飲泰式椰子雞湯，同埋冬陰功湯，所以好想試吓用呢啲湯底做火鍋係點樣嘅？前菜泰式蝦片，好香脆，而且無限添食。見到餐牌好吸引，食材選項包括牛肉、海鮮、蔬菜等等。而最特別嘅係呢一個「海鮮寶盒」，店員送上枱嘅時候，會幫你打開寶盒，然後好多白色嘅煙霧湧出嚟，煙霧中間見到好新鮮嘅海鮮，海鮮包括鮮蝦、珊瑚蚌、鮑魚、白鱔片、生蠔、墨魚滑等等。原來海鮮寶盒下面放咗乾冰，令溫度保持低溫，令海鮮保存得更新鮮，而且乾冰造成白色煙霧，影相打卡都好靚。另外叫咗一碟牛肉片同埋雜菜杯，食材好優質、好豐富。食材配合泰式清湯底、椰子湯底，充滿泰式風味，仲帶有少少酸味，好清新嘅感覺。飲品芒果沙冰，配合新鮮嘅芒果肉，好鮮甜，而且夠晒冰凍解渴。