影片
更多
2021-07-15
6616 瀏覽
尖沙咀呢間人氣燒肉店聽朋友介紹左好耐，話佢高質素得嚟又唔貴，今日終於食到啦！想食佢唔容易㗎，周末walk-in係食唔到，特登預早兩星期book位先得，想食嘅朋友要留意下喇～Lunch set價錢已包括沙律、前菜、日本米白飯、湯、和牛同飲品沙律沙律菜十分新鮮，好爽脆，仲有車厘茄同黃、紅椒，配上沙律醋，酸酸地咁好開胃前菜應該係醃左嘅牛肉嚟，個醬汁調味得幾好，好香口同濃味日本米白飯米飯帶點黏口，口感軟熟湯麵豉湯，正常冇咩特別和牛牛排肉定食大概有7-8件，每件望落雖然唔大件，但因為有油脂，食落都夠飽！每件都燒到半熟，剛好有坑紋就食，入口肉質嫩滑，牛肉味濃，油脂味好香！三色和牛定食<上牛排肉、肩眼肉、牛排肉>每款2-3件，大小差不多，牛排肉就一樣肩眼肉口感就相對硬身少少，但牛味仍然好濃郁！而上牛排肉就再高一級，油脂望落再平均啲，再靚d，食落肉質真係再嫩滑啲同腍啲，食落滿口佈滿牛脂味，超香，勁好味！平時唔鍾意食咁肥，但食靚牛就唔同講法，冇油脂食落會差好遠，識食一定要食肥肥地，同油脂要平均分佈嘅牛～整體午餐性價比超高，呢個價錢食到和牛燒肉，仲要連周末都有得食，唔怪得之成日都full
Lunch set價錢已包括沙律、前菜、日本米白飯、湯、和牛同飲品
沙律
沙律菜十分新鮮，好爽脆，仲有車厘茄同黃、紅椒，配上沙律醋，酸酸地咁好開胃
前菜
應該係醃左嘅牛肉嚟，個醬汁調味得幾好，好香口同濃味
日本米白飯
米飯帶點黏口，口感軟熟
湯
麵豉湯，正常冇咩特別
和牛牛排肉定食
大概有7-8件，每件望落雖然唔大件，但因為有油脂，食落都夠飽！每件都燒到半熟，剛好有坑紋就食，入口肉質嫩滑，牛肉味濃，油脂味好香！
和牛牛排肉
129 瀏覽
1 讚好
0 留言
三色和牛定食
<上牛排肉、肩眼肉、牛排肉>
每款2-3件，大小差不多，牛排肉就一樣
肩眼肉口感就相對硬身少少，但牛味仍然好濃郁！
而上牛排肉就再高一級，油脂望落再平均啲，再靚d，食落肉質真係再嫩滑啲同腍啲，食落滿口佈滿牛脂味，超香，勁好味！平時唔鍾意食咁肥，但食靚牛就唔同講法，冇油脂食落會差好遠，識食一定要食肥肥地，同油脂要平均分佈嘅牛～
整體午餐性價比超高，呢個價錢食到和牛燒肉，仲要連周末都有得食，唔怪得之成日都full booking！
三色和牛定食
93 瀏覽
1 讚好
0 留言
張貼
