幕多

營業中

休息中

無端端係社交媒體網站碌到呢間鋪，個樣好吸引，晏晝走去試試佢。入到去位唔多，但好彩唔洗等。呢度主要係得三款麵：醬油蝦濃湯麵，蠔麵，醬油鮑魚麵今次揀左蝦拉麵，大約五分鐘左右就上枱啦碗麵送上枱之後再落蝦油，一見個樣就好吸引，先飲一啖湯，好濃郁好鮮甜，加上蒜蓉同櫻花蝦的香味，口感似忌廉薯仔湯咁濃稠，拉麵質感唔太硬，個人覺得幾好，如果要求拉麵好彈牙嘅人就可能唔滿意。兩隻大蝦都好鮮味好爽口。整體黎講非常高質，不容錯過。鋪面簡單又醒目。下次試埋其他。