影片
更多
2024-11-19
507 瀏覽
之前老公喺網上搵到尖沙咀呢間和宴，感覺上就非常豪華嘅一間日本燒烤店，從相片入面睇，就感覺好有氣氛，地方同食材都係頂級嘅，然後我哋就預約咗位去嗰度食晚餐。我哋呢度體驗嘅係佢哋嘅Deluxe Course，係佢哋最頂級嘅套餐。前菜有佢哋嘅和牛刺身，味道非常好，肉質好嫩，仲可以充分食到和牛嘅香氣，仲有番茄配土佐酢啫喱亦都係好甜嘅，然後食住好開胃。開胃菜仲有涼拌雜菜，亦都係食住好清爽，好開胃，食住前菜已經等唔切要食主菜喇。燒烤肉類有超級多種嘅和牛部位同豚肉雞肉。 我個人覺得雞腿肉同豚五花肉烤起嚟特別香，食得出同本地嘅雞肉同豬肉特別唔同，肉嘅香氣更加香濃。然後就係各種和牛部位，老个特別鍾意牛舌棒同上肩肉眼，肉質比較有咬勁，然後食住特別香，把和牛獨有嘅香氣都烤咗出嚟。我自己就非常鍾意薄切牛排肉同橫隔膜，佢哋嘅醬汁調配好適中，唔會破壞肉本身嘅香氣，而且仲保留住和牛嘅油脂，特別香，肉質亦都特別嫩。雪花牛排肉亦都係好正，比較厚嘅切片，可以食到更加紮實嘅肉質，而且牛油亦都非常多，然後配住生菜食亦都有一番風味，生菜仲可以解膩。我同老公分別食牛尾湯飯同辣牛肋肉湯飯，都係好好食，味道真係好特別，然後湯亦都非常鮮
我哋呢度體驗嘅係佢哋嘅Deluxe Course，係佢哋最頂級嘅套餐。
前菜有佢哋嘅和牛刺身，味道非常好，肉質好嫩，仲可以充分食到和牛嘅香氣，仲有番茄配土佐酢啫喱亦都係好甜嘅，然後食住好開胃。開胃菜仲有涼拌雜菜，亦都係食住好清爽，好開胃，食住前菜已經等唔切要食主菜喇。
燒烤肉類有超級多種嘅和牛部位同豚肉雞肉。
我個人覺得雞腿肉同豚五花肉烤起嚟特別香，食得出同本地嘅雞肉同豬肉特別唔同，肉嘅香氣更加香濃。
然後就係各種和牛部位，老个特別鍾意牛舌棒同上肩肉眼，肉質比較有咬勁，然後食住特別香，把和牛獨有嘅香氣都烤咗出嚟。
我自己就非常鍾意薄切牛排肉同橫隔膜，佢哋嘅醬汁調配好適中，唔會破壞肉本身嘅香氣，而且仲保留住和牛嘅油脂，特別香，肉質亦都特別嫩。
雪花牛排肉亦都係好正，比較厚嘅切片，可以食到更加紮實嘅肉質，而且牛油亦都非常多，然後配住生菜食亦都有一番風味，生菜仲可以解膩。
我同老公分別食牛尾湯飯同辣牛肋肉湯飯，都係好好食，味道真係好特別，然後湯亦都非常鮮美。
最後甜品仲有雪糕食，用雪糕嚟做個ending。
呢度真係好正，真心推薦畀大家。
張貼
