森戶 (官塘立成大廈) (已結業)

同屋企人去食壽司🍣餐廳仲有廚師發板食～ 不過我地今次揀左2個拼盤同埋2份串燒一齊食～ 我地叫左特上壽司拼盤，刺身拼盤，鹽燒牛舌同埋黑豚五花腩！特上壽司拼盤包括左拖羅，牡丹蝦，赤貝，銀鱈魚，深海池魚，白身魚，金目鯛，鯖魚，海膽同埋三文魚籽～ 全部壽司都好新鮮，海膽同三文魚籽都好鮮美❤️海膽入口溶落咀到，三文魚籽爽口彈牙～ 拖羅好香油脂味～ 食落係溶左入個咀到～ 銀鱈魚好好口感～ 經火灸好香口！刺身拼盤全部份量都係乘2～ 有油甘魚，帶子，池魚，白身魚同埋甜蝦～ 全部都好鮮美～ 特別係帶子真係好爽口！油甘魚好肥美！甜蝦都好彈牙！串燒真心好出色！誠意推薦黑豚五花腩！個串燒真係好香口好好味，油脂睇起身好似好厚，實際食落去唔係咁油膩～ 想更清爽可以加多小小檸檬汁🍋鹽燒牛舌都好驚喜地美味～～外香內爽口保持了牛舌爽口既口感❤️2款串燒都係必食之選！