影片
更多
2024-08-23
659 瀏覽
朋友生日，今晚就去「鮨逸」食返個Omakase Set <Itsu>慶生🎂🍻呢個Set共有25道菜 ($1,580/位另加一)，宜家仲做緊優惠🥰菜品豐富，我地亦點咗杯梅酒，邊歎住美酒，最後食飽到攬住個肚走~~前菜沖繩水雲配蟹肉水雲質感滑溜，用上土佐醋來調味，更突出啖啖蟹肉嘅鮮味，味道酸酸地好開胃北海道白粟米咬下粒粒爽脆，清甜多汁黑梅貝肉質爽彈帶嚼勁，簡單以昆布高湯烹調來吊起鮮味平目海膽豆腐卷平目魚捲住口感軟滑嘅海膽豆腐，一清一濃嘅配搭令平目魚增添濃郁鮮味石垣貝刺身一拍就即刻收縮，新鮮爽脆，加入青檸汁更顯其鮮味山葵漬活北寄貝北寄貝肉質厚實，鮮甜爽口，用wasabi漬過後帶辛辣，但唔會好嗆，食得過癮龍蝦刺身師傅即場將龍蝦離殼起肉，上枱嘅時候仲郁，新鮮生猛。龍蝦蝦肉爽甜，點少少醬油調味已經好好食，大滿足！縞鰺魚肉質鮮嫩肥美，油脂豐腴，口感帶點爽脆細膩，魚油甘香喺口中爆發赤貝肉質厚實，口感爽脆，鮮甜味美，加入青檸汁來調味提鮮金目鯛肉質細緻，魚味濃郁，配上豉油脆脆，更能提升味道層次蟹膏豆腐蟹膏豆腐濃香軟滑，配上啖啖鮮甜蟹肉同矜貴嘅黑魚子，層次豐富鰤魚刺身肉色白雪雪，肉質鮮嫩肥美，
呢個Set共有25道菜 ($1,580/位另加一)，宜家仲做緊優惠🥰菜品豐富，我地亦點咗杯梅酒，邊歎住美酒，最後食飽到攬住個肚走~~
前菜
沖繩水雲配蟹肉
水雲質感滑溜，用上土佐醋來調味，更突出啖啖蟹肉嘅鮮味，味道酸酸地好開胃
北海道白粟米
咬下粒粒爽脆，清甜多汁
黑梅貝
肉質爽彈帶嚼勁，簡單以昆布高湯烹調來吊起鮮味
平目海膽豆腐卷
平目魚捲住口感軟滑嘅海膽豆腐，一清一濃嘅配搭令平目魚增添濃郁鮮味
石垣貝刺身
一拍就即刻收縮，新鮮爽脆，加入青檸汁更顯其鮮味
山葵漬活北寄貝
北寄貝肉質厚實，鮮甜爽口，用wasabi漬過後帶辛辣，但唔會好嗆，食得過癮
龍蝦刺身
師傅即場將龍蝦離殼起肉，上枱嘅時候仲郁，新鮮生猛。龍蝦蝦肉爽甜，點少少醬油調味已經好好食，大滿足！
縞鰺魚
肉質鮮嫩肥美，油脂豐腴，口感帶點爽脆細膩，魚油甘香喺口中爆發
赤貝
肉質厚實，口感爽脆，鮮甜味美，加入青檸汁來調味提鮮
金目鯛
肉質細緻，魚味濃郁，配上豉油脆脆，更能提升味道層次
蟹膏豆腐
蟹膏豆腐濃香軟滑，配上啖啖鮮甜蟹肉同矜貴嘅黑魚子，層次豐富
鰤魚刺身
肉色白雪雪，肉質鮮嫩肥美，配上柚子胡椒，微辣帶起鮮甜味，幾開胃
北海道牡丹蝦
蝦肉晶瑩透亮，入口啖啖肉，軟綿黏滑嘅口感令人難忘，加入蝦頭膏及芥末令味道更甘甜濃厚
長崎縣蠔
幾厚肉，入口鮮甜，配上啫喱、蔥花更加滋味
喜之次
魚皮被輕輕炙燒過釋出油脂，魚肉厚身，肉質細緻
油坊主
肥美爽口，油香甘潤，用上三星漬來調味，令其鮮味更為突出
白見貝
即象拔蚌，師傅猛力拍打後即收縮，爽脆彈牙，略帶海水味，加入柚子皮，味道鮮甜清新
醬油漬吞拿魚
吞拿魚經醬油醃製，令魚味更濃郁；捲住口感豐腴嘅馬糞海膽，再加少少金箔作點綴，甘美鮮甜，令人回味無窮
三文魚籽漬紫海膽
粒粒飽滿嘅三文魚籽鋪滿在原隻活紫海膽上，賣相吸睛。先食一口三文魚籽，再來一口紫海膽，魚籽嘅鹹鮮味帶出紫海膽嘅鮮甜，係味覺嘅大滿足
磯煮鮑魚
鮑魚經慢火磯煮後，仍保留原有嘅鮮味，彈牙入味，配搭香濃順滑嘅蟹膏醬，有助提升味道層次感
和食 - 甘鯛
即馬頭魚，經二百度嘅油炸後，魚鱗奇脆無比，跟軟嫩多汁嘅魚肉呈強烈嘅對比。配上由岩鹽、紫菜配製嘅醬汁，味道鮮甜味美
松葉蟹
啖啖鮮甜嘅松葉蟹肉，口感綿密，伴土佐醋啫喱，味道酸酸甜甜，令蟹嘅鮮甜再昇華
拖羅手卷
肥美甘香，油份滿滿，入口即化
北海道白海膽
白海膽色澤偏黃，味道清雅甘甜，配上鱈魚干及灑上淡雪鹽，一口咬下味道層次豐富，令人再三回味
玉子布甸
一口size，口感偏實，富蛋香
龍蝦頭舞茸菇清湯
清湯用上龍蝦頭來熬煮，可見一啲都唔馬虎，味道份外鮮甜，既可清清味蕾，又暖胃
最後上埋個加咗黑醋糖嘅海鹽雪糕及味道清甜多汁嘅香桃，為今餐生日飯劃上完美嘅句號。
張貼
