影片
更多
2022-12-01
264 瀏覽
超高人氣拉麵售完即止😨|為咗一碗拉麵你可以去到幾盡?🍜|大角咀人氣超長人龍日本師傅主理拉麵店🤤|大丸拉麵 大丸ラーメン「期待每步也是祭典，遺憾事隨便留在背面，悠然擁緊夏焰」今年香港拉麵界好多新星冒起，各有特色，今日就為大家介紹下依間係大角咀由日藉師傅主理嘅人龍拉麵小店，賣點係用大量貝殼類煮出香濃嘅海鮮湯底，小店只有十數個座位，分開午市同晚市，中間有落場時間，所以經常可以見到客人未開鋪就已經大排長龍，想幫襯嘅朋友可能要預早少少可以食到第一轉，而且招牌拉麵會售完即止，想食嘅朋友要有係炎熱天氣下排隊嘅心理準備。-貝丸(盬味及幼麵) 4.1/5⭐️當日我食晚市，提早半個鐘排隊亦要等待約1個鐘先入坐，店員係排隊時已派發拉麵紙落單，我今次好好彩試到佢地嘅招牌貝丸，店員推介鹽味湯底唔會搶哂海鮮湯嘅味道。拉麵上枱幾吸晴，一排蜆肉整齊排列，加埋糖心蛋，叉燒等配料令到成碗拉麵都好豐富，我仲額加追加咗叉燒添，先講湯底，入口有鮮味但略為咸咗少少，亦可能係我自己期待度太高，湯底部分未令我覺得十分驚喜，至於幼麵同爆心蛋水準正常發揮，不過不失。蜆肉大粒無沙，配埋湯底一齊享用好滋味，叉燒賣相粉嫩，薄切而入口即溶，都算唔
為咗一碗拉麵你可以去到幾盡?🍜|
大角咀人氣超長人龍日本師傅主理拉麵店🤤|
大丸拉麵 大丸ラーメン
「期待每步也是祭典，遺憾事隨便留在背面，悠然擁緊夏焰」
今年香港拉麵界好多新星冒起，各有特色，今日就為大家介紹下依間係大角咀由日藉師傅主理嘅人龍拉麵小店，賣點係用大量貝殼類煮出香濃嘅海鮮湯底，小店只有十數個座位，分開午市同晚市，中間有落場時間，所以經常可以見到客人未開鋪就已經大排長龍，想幫襯嘅朋友可能要預早少少可以食到第一轉，而且招牌拉麵會售完即止，想食嘅朋友要有係炎熱天氣下排隊嘅心理準備。
-貝丸(盬味及幼麵) 4.1/5⭐️
當日我食晚市，提早半個鐘排隊亦要等待約1個鐘先入坐，店員係排隊時已派發拉麵紙落單，我今次好好彩試到佢地嘅招牌貝丸，店員推介鹽味湯底唔會搶哂海鮮湯嘅味道。
拉麵上枱幾吸晴，一排蜆肉整齊排列，加埋糖心蛋，叉燒等配料令到成碗拉麵都好豐富，我仲額加追加咗叉燒添，先講湯底，入口有鮮味但略為咸咗少少，亦可能係我自己期待度太高，湯底部分未令我覺得十分驚喜，至於幼麵同爆心蛋水準正常發揮，不過不失。蜆肉大粒無沙，配埋湯底一齊享用好滋味，叉燒賣相粉嫩，薄切而入口即溶，都算唔錯。
貝丸
38 瀏覽
2 讚好
0 留言
-關西風味餃子 4.2/5⭐️
餃子一盤5隻，上面鋪滿咗木魚碎同加咗沙津醬，整到好似大阪燒咁，餃子外脆內嫩，皮薄餡靚，咬落去仲食到肉汁，加埋木魚碎同沙律醬，成件事層次感好多，亦都好配合，驚喜程度竟然係拉麵之上。
18 瀏覽
0 讚好
0 留言
–
總結:餐廳主打幾款拉麵同餃子，名氣已經吸引到區名區外客人冒名幫襯，拉麵好食但可能自己期望度拉風太高所以有少少反差，下次有機會會試下其他款式，至於小食非常推薦配搭試關西風味餃子，如果唔怕排隊嘅朋友，都值得嚟幫襯下。
====
大丸拉麵 大丸ラーメン (大角咀)
📍大角咀博文街22號地下B舖
====
#大丸拉麵#大丸ラーメン#TaiKokTsuikfood#大角咀美食#hkfood #hkfoodie #foodiehk #hkfoodblogger #hkfoodlover #hkfoodstagram #hkfoodporn #852eats #hkiger #食好西 #相機食先 #香港美食#拉麵#日本好西#
張貼
