影片
更多
2024-01-17
27 瀏覽
廚師發板都食過唔少啦，但講到風趣幽默，「壽々乃」鄧師傅真系尤其盞鬼。成個用餐過程非常愉快。師傅慢慢整，我地慢慢食，中間仲穿插師傅噶介紹同埋日本的經歷，真系好似同朋友暢談一樣。店內環境非常清幽雅致，洗手間設系外面小花園，整體氛圍好有格調。座位唔多，鄧師傅可以一人hold住全場。晚餐僅設有「雅」一款，但師傅話五好只睇menu，到時絕對值回票價。先付：鰈魚昆布蒸＋鰻魚百花卷+鹽漬銀杏+蜜糖栗子個人非常鐘意呢個鮮銀杏，同平時食開噶白果真系好有區別。呢個咬落小小煙韌有口感，仲帶有淡淡的銀杏香味，正！鰻魚百花卷系燒鰻魚包住牛蒡淮山，一啖落去好有層次，好唔錯。蜜糖栗子個人覺得會稍甜。季節湯：燒秋刀木之子碗秋刀魚都系臨近季尾啦，食埋呢水就要等出年。秋刀魚＋鮮菌搭配，加少少鹽就可以完全帶出海鮮的鮮味，掂！刺身：平目鯛魚，香箱蟹， 鰝鯵，水八爪魚，赤貝&白見貝，根子蘿蔔蓉香箱蟹季節限定，即系女仔松葉蟹，呢個季節蟹籽蟹膏非常豐富。師傅人手剝好，一隻蟹剛好塞滿一蟹蓋。蟹籽+蟹膏+蟹肉全部都整整齊齊，真系可想而知師傅有幾俾心機。蟹肉鮮味，蟹膏鹹香，搭配蟹籽豐富口感，勁滿足。水八爪魚頗為驚豔，八爪魚足夠咬口，吸盤
店內環境非常清幽雅致，洗手間設系外面小花園，整體氛圍好有格調。座位唔多，鄧師傅可以一人hold住全場。晚餐僅設有「雅」一款，但師傅話五好只睇menu，到時絕對值回票價。
先付：鰈魚昆布蒸＋鰻魚百花卷+鹽漬銀杏+蜜糖栗子
個人非常鐘意呢個鮮銀杏，同平時食開噶白果真系好有區別。呢個咬落小小煙韌有口感，仲帶有淡淡的銀杏香味，正！鰻魚百花卷系燒鰻魚包住牛蒡淮山，一啖落去好有層次，好唔錯。蜜糖栗子個人覺得會稍甜。
季節湯：燒秋刀木之子碗
秋刀魚都系臨近季尾啦，食埋呢水就要等出年。秋刀魚＋鮮菌搭配，加少少鹽就可以完全帶出海鮮的鮮味，掂！
刺身：平目鯛魚，香箱蟹， 鰝鯵，水八爪魚，赤貝&白見貝，根子蘿蔔蓉
香箱蟹季節限定，即系女仔松葉蟹，呢個季節蟹籽蟹膏非常豐富。師傅人手剝好，一隻蟹剛好塞滿一蟹蓋。蟹籽+蟹膏+蟹肉全部都整整齊齊，真系可想而知師傅有幾俾心機。蟹肉鮮味，蟹膏鹹香，搭配蟹籽豐富口感，勁滿足。
水八爪魚頗為驚豔，八爪魚足夠咬口，吸盤夠爽脆，搭配自家制芥末醬，淡淡的醬香味，效果非常好。
根子，即三文魚籽，新鮮到可以彈起，師傅仲即場為我地示範。三文魚籽新鮮唔會腥，粒粒爆珠，真系好過癮。撈埋一齊，蘿蔔蓉的細膩，加三文魚籽的口感，仲有小小柚子香味，真系無得彈。
間場小食：炸白海老-白海老三食之一，簡單的煎炸，無需其他額外調味，白蝦的鮮味同咸香完全保留到，個人覺得為最佳！後面仲有各款壽司同甜品，基本上都好驚艷，一餐飯食幾個鐘，又享受又滿足。
張貼
