焱丸水產

營業中

休息中

成日喺尖沙咀食嘢，呢間餐廳地點的確比較難搵，唔係朋友介紹都真係唔識佢。果然好介紹！好耐冇食過咁好食嘅日本菜啦。入到去個氣氛同佈置都好似置身係日本一樣💕食物質素都非常好。首先食咗個沙律同埋刺身，之前成日都好擔心新聞報道話刺身有蟲唔新鮮，但係呢度嘅刺身全部日本直送，食落去都同平時嘅壽司店感覺好唔同，新鮮好多，喺出面食嘅有時食海膽或者係帶子真係有少少腥味，但喺度食就完全冇！然後我哋仲叫咗個蟹味甲羅燒，每張枱都會有一個爐俾我哋，我仲要以為要自己燒，但係原來呢度嘅職員會幫我地燒埋😆我哋橋埋雙手坐喺度等食就得了另外個鮑魚殻燒都都非常經典！喺出邊食有時啲鮑魚好硬，好難咬。呢度啲鮑魚啖啖肉，而且一啲都唔會覺得好硬蠔鍋飯都不得不讚，隻隻都都好大，啖啖肉，加上佢啲醬汁令鮮味更加提升！喺佢度飲嘢都好正。我叫咗個果實酒，水果味十足，而且仲有果肉係入面🌟依間餐廳一定會推介比身邊嘅朋友！🤟