影片
更多
2022-12-19
1919 瀏覽
🚩 六両三.台灣食堂依間餐廳係朋友開💛‼️喺觀塘返工嘅朋友要多多支持～先講環境方面，工廠區主要都係做一至五午市，通常啲枱都係有咁密排到咁密，難得工廠區嘅餐廳可以做到咁闊落，無論兩個人食定係一大班人食都會坐得好舒服～佢哋外賣自取仲有八五折‼️〰️〰️〰️〰️〰️〰️〰️〰️〰️〰️〰️〰️〰️〰️〰️🌈牛骨沙茶鍋套餐 $138✨美國Prime牛頸脊總共有九大片，偏偏都超級完整，好大塊唔好睇佢個樣好似冇乜油脂咁，但入口超級柔軟而且牛味香濃，大大大推‼️✨台灣好丸三款廚師會每日精選三粒丸～是日係燕餃&薑母鴨丸&鱈魚丸燕餃都係一如既往咁好食，豬肉溝咗少少大地魚粉，香味十足薑母鴨丸口感有少少似豬肉丸，不過多咗浸薑味鱈魚丸比起普通魚蛋多咗浸魚鮮味✨滷肉飯超級大碗滷肉飯，滷肉同埋汁嘅份量都好足夠就睇開我嘅都知我唔中意食肥豬肉，但對於我嚟講係完全ok！完全唔覺自己食緊肥豬肉✨雜菜盤超級豐富嘅蔬菜～就連南瓜同芋頭都有一個人份量絕對夠🌈台灣燕餃 $12🌈薑母鴨丸 $15🌈麻辣鴨血 $30唔係一盒盒硬骨骨嗰啲鴨血依款超嫩超多汁不過味道偏淡，如果再辣少少會更加好🌈半筋半肉麵 $90湯底係冇其他添加，絕對係用牛骨嚟煲出嚟‼️所以飲落清清地，唔會話好
依間餐廳係朋友開💛‼️喺觀塘返工嘅朋友要多多支持～先講環境方面，工廠區主要都係做一至五午市，通常啲枱都係有咁密排到咁密，難得工廠區嘅餐廳可以做到咁闊落，無論兩個人食定係一大班人食都會坐得好舒服～
佢哋外賣自取仲有八五折‼️〰️〰️〰️〰️〰️〰️〰️〰️〰️〰️〰️〰️〰️〰️〰️
🌈牛骨沙茶鍋套餐 $138
✨美國Prime牛頸脊
總共有九大片，偏偏都超級完整，好大塊
唔好睇佢個樣好似冇乜油脂咁，但入口超級柔軟
而且牛味香濃，大大大推‼️
✨台灣好丸三款
廚師會每日精選三粒丸～是日係燕餃&薑母鴨丸&鱈魚丸
燕餃都係一如既往咁好食，豬肉溝咗少少大地魚粉，香味十足
薑母鴨丸口感有少少似豬肉丸，不過多咗浸薑味
鱈魚丸比起普通魚蛋多咗浸魚鮮味
✨滷肉飯
超級大碗滷肉飯，滷肉同埋汁嘅份量都好足夠
就睇開我嘅都知我唔中意食肥豬肉，但對於我嚟講係完全ok！
完全唔覺自己食緊肥豬肉
✨雜菜盤
超級豐富嘅蔬菜～就連南瓜同芋頭都有
一個人份量絕對夠
🌈台灣燕餃 $12
🌈薑母鴨丸 $15
🌈麻辣鴨血 $30
唔係一盒盒硬骨骨嗰啲鴨血
依款超嫩超多汁
不過味道偏淡，如果再辣少少會更加好
🌈半筋半肉麵 $90
湯底係冇其他添加，絕對係用牛骨嚟煲出嚟‼️
所以飲落清清地，唔會話好濃郁
牛筋炆得好淋，滿滿骨膠原～
牛肉我食個舊就有少少韌，但媽咪就話炆得好淋
食到差唔多，大家就可以加啲辣椒醬試吓～
轉一轉個味又有唔同
🌈鹹酥雞 $38
平時食鹽酥雞就好驚佢好乾，所以依款對我來講都幾有驚喜
依碟炸雞我哋由頭食到落尾，正常最尾嘅時候佢應該都凍晒，肉質會偏乾
但佢竟然唔會‼️食到最尾我都仲係覺得佢好好食
🌈姜母鮮奶茶 $25
冬天梗係要飲返啲薑味野～依款奶茶薑味都幾出，但係又唔會辣到好辛苦
所有嘢都恰到好處
🌈冬瓜檸檬茶 $23
張貼
