莆田 (PopCorn 2)

營業中

休息中

早排地鐵廣告成日見到呢個莆田鮮海蠣，越吃越厲害，我一路都想講，其實海蠣同厲害並唔係押韻，我心中有啲接受唔到呢個形式既標語，但卻因為呢種唔協調而俾佢深刻於我腦海中，於是今日就黎嚐一嚐佢既厲害。首先佢既海蠣煎，都OK，不過不失，又未到好厲害，但第二道菜香酥芋泥鴨就真係幾厲害，表面炸到酥脆，裡面芋泥吸收曬鴨油既香，好食！最後仲有個興化炒米粉，米粉帶有與別不同既口感，鬆化到好似棉花咁，啲海鮮材料又多，令人食得非常滿足！被海蠣吸引進去，出來卻是在讚嘆海蠣以外的厲害。