鵜舞

營業中

休息中

今日係我第三次食呢間餐廳，因為第一次食嘅時候好驚喜。隔咗冇耐就再食第二次。食第二次，都算好味，但就冇第一次食咁令人印象深刻，當時只係覺得自己唔識叫，所以冇放心上。直至第三次冬至當日，份量同食物質素令我決定唔再幫襯。因為好多餐廳都book唔到，於是用「book到邊間就食邊間」嘅心態去book，俾我book到6:30。而第三次食嘅時候，個丼飯、烏冬份量縮哂水，甚至可以話係兒童餐嘅份量！6位大人嘅我哋當然唔夠食，一路食一路加，都食左9樣菜式，其中7樣更係可以當主食嘅食物。9樣菜式當中，卷物屬於質素最差，當時食2種卷物，入口後只係食到紫菜味，魚肉、牛肉定牛油果味都食唔出，認真令人失望。