影片
更多
2023-09-25
417 瀏覽
今日嚟到跑馬地食omakase，交通黎講非常方便，銅鑼灣站C出口，幾利華木球會對面就係今次大肚腩朝聖嘅餐廳。餐廳貫徹一貫高級日式料理裝修風格，空間寬敞，燈光柔和，令到顧客有一種非常放鬆嘅感覺，坐得好舒服。師傅亦非常健談，令到我哋原本有少少緊張既感覺都即刻冇晒🙈晚市餐牌只有一款MIYABI先付：水雲配山芋蓉，口感綿滑。鮮味蜆肉，非常新鮮清甜。鰻魚卷，鰻魚包住左牛蒡。炸蟹bb 炸到好香口好脆，成隻可以一啖放落口🙈季節湯物夏季清湯，聽師傅講，呢樣係京都名物黎..鱧魚可以連骨成條食哂，係魚上面加小小梅醬，令到口味更為複雜，喺湯入邊仲會見到好多細細條類似樹枝嘅順菜，順菜出面係有一種類似啫喱形狀包圍着佢，口感好得意亦都好特別🤪刺身五點1石鯛魚薄切配酸汁，白身魚清新口感，係打開味蕾嘅第一道菜。2黎自熱海既金目鯛魚，肉質細嫩甘甜，鮮味成分高，仲多鯛魚中最好食既一種😋3白蝦刺身，師傅話今日準備咗白蝦三食，第一食就係刺身，用咗好多隻新鮮白蝦整成既白蝦杯🤣淡淡蝦肉好過癮…4 北海道水八爪魚，左邊係水八爪魚腳，右邊係水八爪魚吸盤 。兩種唔同嘅口感，師傅建議將中間濕潤嘅芥末醬，放少少落水八爪魚吸盤度，效果更佳。
餐廳貫徹一貫高級日式料理裝修風格，空間寬敞，燈光柔和，令到顧客有一種非常放鬆嘅感覺，坐得好舒服。師傅亦非常健談，令到我哋原本有少少緊張既感覺都即刻冇晒🙈晚市餐牌只有一款MIYABI
先付：
水雲配山芋蓉，口感綿滑。鮮味蜆肉，非常新鮮清甜。鰻魚卷，鰻魚包住左牛蒡。炸蟹bb 炸到好香口好脆，成隻可以一啖放落口🙈
季節湯物
夏季清湯，聽師傅講，呢樣係京都名物黎..鱧魚可以連骨成條食哂，係魚上面加小小梅醬，令到口味更為複雜，喺湯入邊仲會見到好多細細條類似樹枝嘅順菜，順菜出面係有一種類似啫喱形狀包圍着佢，口感好得意亦都好特別🤪
刺身五點
1石鯛魚薄切配酸汁，白身魚清新口感，係打開味蕾嘅第一道菜。
2黎自熱海既金目鯛魚，肉質細嫩甘甜，鮮味成分高，仲多鯛魚中最好食既一種😋
3白蝦刺身，師傅話今日準備咗白蝦三食，第一食就係刺身，用咗好多隻新鮮白蝦整成既白蝦杯🤣淡淡蝦肉好過癮…
4 北海道水八爪魚，左邊係水八爪魚腳，右邊係水八爪魚吸盤 。兩種唔同嘅口感，師傅建議將中間濕潤嘅芥末醬，放少少落水八爪魚吸盤度，效果更佳。
5新鮮三文魚子杯，即係根子，超新鮮 任何腥味都冇。可以每一粒食落口度慢慢爆開🤣
中間有個間場小食，係炸白蝦，亦都係白蝦第二食，口感十分酥脆，好似食零食咁🤣完全唔會有油膱味或者熱氣..
季節料理二品
炸白蝦丸，亦都係白蝦第三食🤣嫩滑彈牙，配上檸檬汁，大肚腩覺得呢個烹調手法係最好食😋
長崎縣既炸粟米，咬開粟米係見到一排排，外層香脆吾油，粟米十分清甜。
寿司十貫
1 第一件係墨魚BB壽司，師傅話真係BB嚟🤣因為淨係可以做到一件壽司🤣
2 赤貝壽司，所有貝殼類嘅刺身，師傅都會喺客人面前大力打佢一下，目的係想比所有顧客睇到，刺身嘅新鮮程度。
3 帆立貝壽司 ，清新香甜，大大粒包住左壽司飯。
4 石坦貝壽司，味道同象拔蚌好相似，口感厚實，又爽又嫩。
5 生秋刀魚壽司，師傅叫我哋絕對放心，佢嘅秋刀魚係絕對唔會腥，叫我哋放心大膽去食😝入口魚味濃郁，完全冇腥既感覺。
6 關鯖魚壽司，富有彈性且油脂豐厚
7 中拖羅壽司 肥瘦啱啱好，作為吞拿魚最受歡迎嘅部位。
8 大拖羅壽司 就從來唔會令到大家失望，入口即溶，魚油味十足！
9 赤身壽司 師傅話今日用嘅赤身係非常之靚，係成條吞拿魚最瘦嘅部位，口感亦係赤身入邊最好嘅，利用醬油漬，最大程度上發揮赤身嘅味道。實在太好食啦🥺
10 北海道根室馬糞海膽手卷，只可以話極之鮮甜，無懈可擊😋
其實食完壽司之後大肚腩已經好飽🤣但既然師傅都準備咗麵豉湯同甜品，咁大肚腩梗係唔會客氣啦😜
麵豉湯裡面有季節蔬菜及魚肉豆腐等材料。
甜品方面
自家製糕點配上靜岡赤蜜瓜，為呢一餐畫上完美嘅句號。
張貼
