E FOR EGG

營業中

休息中

又係一個超凍嘅晚上，本來想食啲熱嘢。但係鄰居話好想食呢間，超期待要去，咁就不妨一試啦。各自嗌咗一個便當，另外兩個小食同埋一個甜品。消息好快就上咗嚟啦，咁鄰居就話想要隻碟嚟食雞翼，但係個侍應可能始終係細路女入世未深，竟然同我哋講哦你哋一陣間有個便當我哋而家嘅話就唔會比碟你嘅。OMG! 咁唯有我哋就叉住個薯條食住先，跟住啲雞翼就等到四個便當嚟切咗先至食，但前後嗰度都超過咗15分鐘。啲雞翼都放涼晒，好食都變咗唔好食，裏便啲芝士都唔溶啦，仲有啲彈牙添。我自己就嗌咗個和牛便當，其實啲牛肉個汁都幾好味，但係就唔明白點解佢落咗啲胡椒粉落去，搞到個牛肉個感覺有啲怪。跟住佢哋收咗我哋個便當準備上甜品，我就諗住留返自己隻差，驚一陣間食甜品佢連茶都唔俾我。今次個侍應終於醒覺，俾咗四個碟仔我哋。反而我嘅欣賞佢個甜品，個抹茶窩夫中間有雪米糍，超鍾意雪米糍感覺好似食緊麻糬口感煙靭。我覺得甜品嚟講都有機會再試多次，但係啲鄰居就唔多願意俾多次機會佢哋啦。