EverShine

營業中

休息中

早上去已可叫午餐，自由選擇想食早餐定午餐，可以按自己肚餓嘅程度選擇。輕煎帶子黑松露菠菜牛肝菌意粉，半熟嘅帶子新鮮。黑松露味好出，菠菜鮮嫩份量亦多，意粉入口彈牙煙靭有口感。黑松露同牛肝菌忌廉汁好Creamy又不太鹹，好食。香煎比目魚配檸檬牛油汁拌意粉，魚外皮香脆，肉質油脂分佈適中魚肉嫩滑，檸檬牛油汁解膩又清新。「冬」養生花茶滋陰清潤又唔會太甜。原個椰青咖啡好正，欣賞用原個椰青而非溝椰青水，咖啡飲完仲可食椰青肉。食物質素高，價錢合理，每款食物都會顯示卡路里、碳水等資料，適合鍾意食但又怕肥嘅人。