影片
更多
2007-05-14
25 瀏覽
一聽到個辣字,唔理辣咩都第一時間報名.地點係時常路過,上到去見牆佈滿名星簽名,但係從來都唔知有此店,真係孤陋寡聞. 坐低都見到官恩娜,果然真係名星食堂.KC報告菜單中只係叫中辣蟹,有點失望,因為點菜時呀姐堅持我地食唔倒大辣就唔好叫喎,不過KC同佢講幾次都'唔俾'我地叫大辣,咁就無謂勉強啦!! 但其實我都唔可以咁自私,可能其他人都食唔倒咁辣呢!頭盤中我最鍾意海蜇頭,夠入味,又爽口. 粉腸都唔錯,不過唔夠肥美!蒸泥對我個人講就一般,因為我比較鍾意食肉質嫩滑魚肉. 泥肉嫌太實,雖然幾鮮甜,不過唔合我口味.東風螺雖然細,但會嫩身d,唔會咁硬.油鹽水煮蜆簡直係驚喜,味道同胡椒豬肚湯十分接近. 而且辣度適中,極之美味. 連d蜆都唔記得好唔好食,只係記得個湯好好飲!!!蟶子皇十分鮮甜,蒸得唔會過火. 只係食上面蒜蓉粉絲已經好好味!!!主菜中辣蟹用艇醬炒,好惹味!! 而且蟹肉嫩滑鮮甜,一食難忘. 不過辣度依然未及我要求,我認為大辣係無問題! 再加上席上有專兄同Christy,一定冇問題. KC都順應我地要求叫呀姐改避風塘蟹做大辣. 辣椒金沙辣度果然好足,我都覺得幾辣. 不過辣得係有味,唔會令你冇知覺!
地點係時常路過,上到去見牆佈滿名星簽名,但係從來都唔知有此店,真係孤陋寡聞. 坐低都見到官恩娜,果然真係名星食堂.
KC報告菜單中只係叫中辣蟹,有點失望,因為點菜時呀姐堅持我地食唔倒大辣就唔好叫喎,不過KC同佢講幾次都'唔俾'我地叫大辣,咁就無謂勉強啦!! 但其實我都唔可以咁自私,可能其他人都食唔倒咁辣呢!
頭盤中我最鍾意海蜇頭,夠入味,又爽口. 粉腸都唔錯,不過唔夠肥美!
蒸泥對我個人講就一般,因為我比較鍾意食肉質嫩滑魚肉. 泥肉嫌太實,雖然幾鮮甜,不過唔合我口味.
東風螺雖然細,但會嫩身d,唔會咁硬.
油鹽水煮蜆簡直係驚喜,味道同胡椒豬肚湯十分接近. 而且辣度適中,極之美味. 連d蜆都唔記得好唔好食,只係記得個湯好好飲!!!
蟶子皇十分鮮甜,蒸得唔會過火. 只係食上面蒜蓉粉絲已經好好味!!!
主菜中辣蟹用艇醬炒,好惹味!! 而且蟹肉嫩滑鮮甜,一食難忘. 不過辣度依然未及我要求,我認為大辣係無問題! 再加上席上有專兄同Christy,一定冇問題. KC都順應我地要求叫呀姐改避風塘蟹做大辣.
辣椒金沙辣度果然好足,我都覺得幾辣. 不過辣得係有味,唔會令你冇知覺!! 專兄仲勁,齋食金沙,仲食到停唔到口,嘩,真係甘拜下風!! 不過我都同意專兄講,都係中辣至食到真正蟹味. 而家基本上係食辣味多.
食到最尾鴨湯河真係一流. 估唔道細細碗唔起眼湯河鴨味濃郁,河粉又唔會太淋!! 下次係必叫之選.
不過今餐難為了惡男,又抹汗,又不停飲蔗水,下次唔好咁大口食落去喇!!
最後都要多謝KC介紹,又多處食辣好地方!!
張貼
