翠林辣蟹舫

冬天都唔一定要打邊爐，有時食吓辣蟹都正。喺尖沙咀有間食辣蟹幾出名嘅，最重要係個辣蟹整得好食、大份、仲可以打卡😂 - 翠林辣蟹坊。一般嚟講我哋食蟹，最怕係覺得蟹好貴，budget好難預。不過翠林辣蟹坊就有呢樣嘢好，佢而家做緊指定辣蟹菜式半價，而且大量嘅小菜亦都一齊做半價。特價咗之後大量嘅小菜都只係幾十蚊個 (優惠菜式每月更新)，我都開始懶得睇價錢😂。避風塘炒蟹 原價$688 特價$344用紅木架奉上，非常得體。份量，一隻，重量，一斤二兩。勁？我唔識嗰啲幾多斤幾多両，我淨係知呢隻蟹搞到我哋食唔晒😂。除咗佢嘅蟹夠大隻，亦都因為佢有一大盤椒鹽做底。另外有樣嘢要讚，佢嘅蟹係”扑”好晒，唔使由頭用鉗慢慢搞。黃金流沙蝦球 $48/隻我哋叫咗兩隻。其實一隻已經非常大，要注意佢係已經拆晒殼，所以佢嘅鹹蛋黃味道係直接入到蝦球肉，而且唔使拆殼的確好方便。拍蝦者芥蘭 $88餐廳推介嘅菜式。老實講，我唔係好識解拍蝦點解，我當佢飛天芥蘭咁食。首先距上菜係非常熱辣辣，啲蝦膏蝦醬嘅味香到不得了。芥蘭都煮到好腍，好容易食。食神炒飯 $188外型好似一條錦鯉嘅炒飯。用上蟹籽、蝦仁、蜜糖豆，再用上兩種唔同嘅米造成。食落非常