釗記海鮮小菜

營業中

休息中

趁有空去大埔街市定一轉。星期天，人山人海，迫到爆炸，想揾個位坐吓都難到痺...平記、東記、學記、有記...大部份都試過。本欲一試林記，但見到條龍都已經得人驚...再兜一個大圈，見呢度少D人，但都係冇位坐。決定外賣一盅鳳爪排骨及粉果到外邊公園平台慢慢嘆...份量塞到個盒滿一滿。飯微濕，但軟硬剛好；排骨絕唔係雪藏貨，可惜肥咗少少；鳳爪亦只得一件，唔夠喉...粉果size絕對大過拳頭，好久冇食過咁嘅size嘅粉果。雖則大，但出奇地皮薄，餡料多到爆燈--- 沙葛、葱、豬肉、花生、莞茜....食一籠都飽晒嘞...