朝天門

營業中

休息中

朝天門，一間百年品牌老店，亦承傳重慶正宗麻辣火鍋文化，正所謂進了朝天門，就到重慶城。門店座標在蘭桂坊，位於可以打卡嘅香港地標，而且包房還可以一邊唱歌一邊欣賞到蘭桂坊嘅繁華夜景。朱紅色的迎官接聖的牌匾極富中國色彩，氣派十足。店內裝潢設計內外一致，高級別緻時尚又帶有重慶元素，大堂設有四人梳化卡座，另設有多間卡拉ok包房，朋友聚會或宴客都一流。唔好以為火鍋宴嘅天花板朝天門一定好貴，其實都有平價套餐！玉璽鴛鴦鍋紅湯鮮香麻辣，有陣陣九油香味，菌湯菇味香濃又鮮甜，湯底出色味道正宗。重慶小食組合麻辣蠶豆 - 口感香脆，麻麻辣辣，非常惹味。合桃雪片膏 - 清香微甜，口感細膩軟綿入口即化。香脆麻花 - 炸得酥脆乾身，十分香口。特色三拼精選新鮮黃喉、毛肚、鵝腸由重慶抵港，口感爽滑脆嫩。新西蘭羊肉卷羊肉香滑軟嫩，帶陣陣油香又無騷味，吸收咗湯汁，味道更加鮮香。貢丸肉味香菇味濃，爽滑彈牙又多汁。午餐肉、皇帝菜及菇菌拼盤皇帝菜新鮮脆嫩無渣，同午餐肉及雜菇一樣，吸收咗香濃嘅火鍋湯底後，十分香口好味。特色紅糖冰粉食完滾熱辣的火鍋，最啱食番碗冰涼清甜嘅冰粉，解辣消暑一流。