銀座炎蔵燒肉

營業中

休息中

同朋友喺商場打完室內哥爾夫球練習，搵嘢食，商場好多選擇，最後揀咗炎藏食和牛燒肉。叫咗沙律，和牛拼盤，牛舌，和牛牛肉拌飯。沙律菜好新鮮，蕃茄好甜。跟住開始燒和牛。特選ささみ和牛笹身：入口即融，有牛肉味ミスジ和牛三筋肉：薄身，好滑しんしん和牛芯芯：瘦啲（朋友喜歡，我就喜歡肥美啲），唔韌，有牛肉味はねした和牛羽下：超腍牛舌最後燒。薄和牛同牛舌唔可以燒太耐，唔係就黐底，我覺得自己燒得好好味，啱啱好。最後食埋個和牛拌飯，有啲泡菜，好惹味，牛肉都唔錯。燒薄和牛嘅時候，因為唔係好識掌握火路，塊鐵板黐咗啲牛肉炭，夥計主動幫我哋換咗塊新嘅鐵板等我哋繼續燒。好好服務👍。下次嚟打波，會再試吓佢哋其他嘢食。