橫濱家系町田商店

營業中

休息中

去開airside買電話，行過見到咗橫濱家系町田商店唔洗等位，就決定入去試下。佢哋嘅橫濱終極MAX拉麵同斑馬大蒜牛油拉麵，呢兩款係中規中矩啦，唔算特別出色，但都唔會難食。橫濱終極MAX拉麵湯底濃郁，麵條爽口，配料都幾豐富，但味道有少少偏鹹。斑馬大蒜牛油拉麵就係蒜味重啲，牛油味香濃，唔鍾意食蒜嘅朋友可能會覺得有啲膩。我哋亦都試咗佢哋嘅章魚小丸子同日式炒飯，章魚小丸子一般，日式炒飯就係普通啲，冇特別出色嘅味道，我仲唔記得影相添😂。不過最令我哋滿意嘅係佢哋有提供BB椅同餐具，俾咗帶BB嘅家庭一個方便嘅用餐環境。帶細路出街食飯，有啲地方唔俾用餐椅真係好麻煩。總括嚟講，橫濱家系町田商店嘅食物就係中規中矩啦。如果行街行到攰，想搵間餐廳食個快餐，呢間店都係一個不錯嘅選擇。