探魚烤魚

營業中

休息中

之前同屋企人係深圳食過一次，見到香港都有，又想食下。香辣味烤魚上到枱好大條魚，叫左凌波魚。上面佈滿辣椒同西芹，下面仲有火hit住。呢個辣度剛剛好，唔會太西利同埋唔會麻。魚既肉質係好實淨，雖然都有少少好幼既魚骨，但都唔會成條魚成身都係。絕絕子爆汁炸雞係一個無骨雞件，啖啖鮮嫩既肉，入面好多肉汁，外脆內軟，好好味🤤海陸空天團串燒有成15串，尤魚好惹味，上面有辣味粉，好有四川風味。雞軟骨好脆卜卜，都好香口。冰粉任人添食，食左3-4碗。入面有個黑糖麻糬粒粒好Q彈，好有咬口。幾好食，仲有桂花蜜糖，好清甜。食完辣烤魚可以中和下解下辣。