影片
更多
2024-06-28
2309 瀏覽
之前食過午市飲茶，覺得午市質素幾好，夜市做返佢老本行雞煲邊爐應該都唔會差得去邊，就決定試試。佢個爵爺套餐係無限時放題︰主菜6選1 (一次性) + 火鍋湯底6選1 + 3款一次性食物 + 數十款任食火鍋配料 + 自助吧 (蔬菜、丸類及麵食) + 哈根大師雪糕杯 (一次性)主菜6選1 (一次性)1. 原味椰子雞2. 香辣烤魚3. 藤椒烤魚4. 老壇酸菜魚5. 皇慶雞煲6. 風味啤酒鴨火鍋湯底6選11. 鴨血麻辣鍋2. 澳門豬骨鍋3. 花膠美人鍋4. 皮蛋芫茜鍋5. 田園蕃茄鍋6. 馬來沙爹鍋3款一次性食物1. 頂級手切牛拼盤2. 豪華海鮮拼盤3. 豪華時令刺身一坐低，待應就上左個小食拼盤俾我地，有台灣香腸、泰式鳳爪、麻辣牛肚同涼拌四季豆。四款小食都正常發揮，無乜特別需要評價。之後就上左個刺身拼盤，有4款時令刺身 (帶子、北寄貝、牡丹蝦、象拔蚌)。個刺身拼盤一上，見到象拔蚌，即刻加左少少印象分 (畢竟平時D刺身拼盤見唔到呢樣野，就算有，都係勁薄切) 但呢度嘅刺身全部都好大件厚肉，仲好鮮味添! 帶子同牡丹蝦都好甘甜，北寄貝又唔會雪到好硬，咬落去口感彈牙，象拔蚌完全無腥味，整體感覺唔錯。主菜方
佢個爵爺套餐係無限時放題︰主菜6選1 (一次性) + 火鍋湯底6選1 + 3款一次性食物 + 數十款任食火鍋配料 + 自助吧 (蔬菜、丸類及麵食) + 哈根大師雪糕杯 (一次性)
主菜6選1 (一次性)
1. 原味椰子雞
2. 香辣烤魚
3. 藤椒烤魚
4. 老壇酸菜魚
5. 皇慶雞煲
6. 風味啤酒鴨
火鍋湯底6選1
1. 鴨血麻辣鍋
2. 澳門豬骨鍋
3. 花膠美人鍋
4. 皮蛋芫茜鍋
5. 田園蕃茄鍋
6. 馬來沙爹鍋
3款一次性食物
1. 頂級手切牛拼盤
2. 豪華海鮮拼盤
3. 豪華時令刺身
小食拼盤
58 瀏覽
0 讚好
0 留言
一坐低，待應就上左個小食拼盤俾我地，有台灣香腸、泰式鳳爪、麻辣牛肚同涼拌四季豆。四款小食都正常發揮，無乜特別需要評價。
5 瀏覽
0 讚好
0 留言
之後就上左個刺身拼盤，有4款時令刺身 (帶子、北寄貝、牡丹蝦、象拔蚌)。個刺身拼盤一上，見到象拔蚌，即刻加左少少印象分 (畢竟平時D刺身拼盤見唔到呢樣野，就算有，都係勁薄切) 但呢度嘅刺身全部都好大件厚肉，仲好鮮味添! 帶子同牡丹蝦都好甘甜，北寄貝又唔會雪到好硬，咬落去口感彈牙，象拔蚌完全無腥味，整體感覺唔錯。
9 瀏覽
0 讚好
0 留言
主菜方面，我地揀左重慶雞煲 (小辣)。雞煲兩個人食算大份 (始終之後仲要打邊爐)，雞煲醬偏麻唔算辣，啱晒中意麻嘅人! (即係我 ) 雞肉質都幾彈牙，又多肉，唔會骨多過肉。
食完雞煲，待應就換個煲俾我地打邊爐，湯底我地揀左花膠美人鍋。個湯底好普通。(其實應該改名叫魚肚湯，完全無膠質，唔似台式火鍋店果種花膠美人鍋咁有d黏黏嘅感覺，食完都唔覺有變美過) 同步待應上左碟頂級手切牛拼盤同豪華海鮮拼盤。
6 瀏覽
0 讚好
0 留言
頂級手切牛拼盤 (其實得一款牛，唔好俾個名呃到，以為有幾個不同部位)牛肉片嘅脂肪分佈平均，但略嫌雪得太勁，雖然食唔到雪味，但會俾人感覺唔夠新鮮。
44 瀏覽
0 讚好
0 留言
豪華海鮮拼盤 (有5款時令海鮮，蠔、蜆、蝦、鮑魚、吊筒仔)
第一次打邊爐食帶殼蠔同鮑魚，完全唔識掌握時間，好在烚完出黎都唔會太老。
鮑魚 - 勁彈牙，好新鮮
蠔 – 本身個味係幾鮮甜，可惜有沙，即刻0分!
蜆 – 呢個預計會有沙嘅，反而無沙，但味道都無乜特別
蝦 – 肉質彈牙，但個味都係無乜特別，未去到鮮甜
吊筒仔 – 雪得太誇張，烚完都唔覺得有味，細食嘅朋友可以留肚食其他野
基本上食完呢堆一次性食物都已經8成飽。但始終呢個都係任食套餐，我地都係咁易叫左少少野黎試下味。
28 瀏覽
0 讚好
0 留言
肥牛 - 脂肪同肉嘅比例各估一半，望落好似好肥，但可能因為切得薄，烚完出到黎個口感無想像中咁膩、咁入唔到口
手打丸 (牛丸、蝦丸、墨魚丸) – size得珍寶珠咁大，三款丸入面得牛丸叫入到口，但相比起出面d手打牛丸就無咁彈牙同 juicy。墨魚丸用左好多墨魚骨，看似好用心，但實際上完全無味，形同嚼蠟。蝦丸直頭有陣up味，千祁唔好試!
水餃 (芹菜香茜、韮菜豬肉) – 餡料太少，連韮菜咁重味，食落都剩係食到陣皮味同有堆打碎左嘅料，完全食唔到肉同菜嘅質感，如果唔係menu寫係呢2款水餃，真係唔知自己食緊乜。
鵝腸 – 口感好脆，完全無肥膏，係我中意嘅口感，但都係無乜味
脆肉鯇 – 主要係魚皮脆口而唔係魚肉脆，不過香港D脆肉鯇多數都係咁，無得要求太多，依然都係無乜味
整體而言，除左一次性食物有質素認證之外，其他任食食材都唔建議食。(加工食品同蔬菜除外，估計加工食品係安全)
價錢方面︰$378/位 (加一服務費)，呢個價錢唔算抵食，性價比唔高，但由於一次性食物基本上已經夠食，加上無限時，座位同環境舒適，以朋友聚會黎講，可以一試。
張貼
