海港薈

營業中

休息中

鄰居約食飯唔知去邊度好。記得早排過嚟食個晚餐唔錯咁就再嚟呢一間試吓。鄰居話想食長腳蟹，睇見個餐牌性價比唔錯，咁就叫咗隻大概四斤嘅，冇特別加錢去整花雕，就係清蒸食開原汁原味，不過加$100就攞咗啲蟹膏嚟炒多咗個飯，因為食飯人數唔多得三個，所以另外加咗個豆苗就算啦。隻蟹好似$180斤，呢個價錢街市都買唔到仲要蒸埋。隻蟹雖然唔係好有海水味，但係啲肉都幾飽滿唔算離殼，同埋啲肉都幾鮮甜。另外個蟹膏炒飯喺個味唔算濃，但係就炒得夠乾身個豆苗個汁係較得唔錯嘅，但係個豆苗就好似老身咗少少。上次食燉奶伏咗，今次就試吓佢個焦糖布甸。都好食卜卜脆㗎焦糖整得幾好，不過如果係熱食就更加好。同埋用飯碗嚟整個份量就細啲好似唔係好夠喉，同埋個賣相就差少少。