瀛豐放題料理專門店

營業中

休息中

日式放題店，呢度嘅食物簡直係等同酒店級嘅食物種類。大家真係要嚟呢度試吓。首先，日式放題店唔係間間都有海膽。呢度嘅海膽配上帶子，帶子粒粒非常大粒。海膽冇異味，非常推薦。海鮮拼盤，海鮮每個種類都非常新鮮，有三文魚魚生片，吞拿魚，海外及貝類等等。貝類🐚螺類值得一讚，因為融雪情況非常理想， 十分爽口。生蝦刺身，非常大隻👍🏻👍🏻仲有另一個酒店級數嘅食物，就係魚子醬啦。從來冇喺日式放題店見過魚子醬成盒咁上，呢度真係令人有好多驚喜。另一個一定要嗌嘅食物係中式燉湯，蟲草花龍眼中式燉湯非常清甜，而且冇味精，真係忍唔住飲多兩啖。另一個不得不食嘅回本位，就係蒜蓉燒生蠔。生蠔即叫即燒，上枱嘅時候流晒出嚟，非常吸引。而且生蠔都十分大隻，嗌咗幾次水準仍然keep到。呢度除咗有一半嘅日式放題食品外，亦都有好多唔同嘅泰式小食同埋湯。當日就試咗冬陰功湯，真係同去泰國餐廳飲嘅一模一樣，並無因為呢度係放題店而質素有所下降。飲品方面，除咗有一般嘅飲品之外，亦都有唔同嘅韓國特色飲品。呢個價錢，食到咁多酒店級數嘅食物，真係十分推介。