影片
更多
2024-01-30
313 瀏覽
之前去深圳成日都會食呢一間酸菜魚，估唔到佢最近已經直接開咗嚟香港，唔需要浪費車費同埋時間就可以食到，happy happy。～呢間分店喺K11地鐵站行過嚟兩三分鐘左右，好方便，店內嘅裝修以黑白色為主打，望落幾摩登。枱面上有簡單嘅食魚🐟攻略，首先qrcode落單，然後就可以出面自取洛神花茶。櫃桶裏面亦都有免費嘅紙巾筒牙線等提供，幾貼心。～老壇子酸菜魚（2人份）主打酸菜比與魚好食嘅太二，酸菜一直都好出色，卜卜脆脆嘅口感，鹹鹹香香中帶點甜。不過雖然話酸菜比魚好食，但係佢哋嘅魚亦都高質，魚肉質地滑溜，鮮味突出，份量都好多。湯底有大量嘅花椒辣椒菊花等等，層次分明，酸香微辣。另外追加嘅脆豆腐都值得一試，質感有啲似魚片頭，頗彈牙。～藤椒撈汁海鮮雞就好惹味，鮮蝦彈牙，青瓜爽脆，加上絲絲雞肉，配搭畫龍點睛嘅酸辣撈汁，佐酒應該好合適。～叫咗個大人細路都啱食嘅好番味鱸魚麵，麵條🍜彈牙，鱸魚片同酸菜魚裏面嘅魚片係一樣嘅，只不過汁底係換咗做蕃茄濃汁，唔辣，酸酸香香幾開胃。～甜品方面，試咗蛋酥糍粑，食落去同平時坊間食嘅糍粑幾唔同，質感分外軟糯，新鮮即炸起，出面嘅蛋香頗出，加上低甜黑糖汁，令人好滿足。～太二酸菜魚
～
呢間分店喺K11地鐵站行過嚟兩三分鐘左右，好方便，店內嘅裝修以黑白色為主打，望落幾摩登。枱面上有簡單嘅食魚🐟攻略，首先qrcode落單，然後就可以出面自取洛神花茶。櫃桶裏面亦都有免費嘅紙巾筒牙線等提供，幾貼心。
～
老壇子酸菜魚（2人份）
主打酸菜比與魚好食嘅太二，酸菜一直都好出色，卜卜脆脆嘅口感，鹹鹹香香中帶點甜。不過雖然話酸菜比魚好食，但係佢哋嘅魚亦都高質，魚肉質地滑溜，鮮味突出，份量都好多。湯底有大量嘅花椒辣椒菊花等等，層次分明，酸香微辣。另外追加嘅脆豆腐都值得一試，質感有啲似魚片頭，頗彈牙。
～
藤椒撈汁海鮮雞就好惹味，鮮蝦彈牙，青瓜爽脆，加上絲絲雞肉，配搭畫龍點睛嘅酸辣撈汁，佐酒應該好合適。
～
叫咗個大人細路都啱食嘅好番味鱸魚麵，麵條🍜彈牙，鱸魚片同酸菜魚裏面嘅魚片係一樣嘅，只不過汁底係換咗做蕃茄濃汁，唔辣，酸酸香香幾開胃。
～
甜品方面，試咗蛋酥糍粑，食落去同平時坊間食嘅糍粑幾唔同，質感分外軟糯，新鮮即炸起，出面嘅蛋香頗出，加上低甜黑糖汁，令人好滿足。
～
太二酸菜魚 (尖沙咀)
尖沙咀河內道18號K11購物藝術館2樓209-211號舖
張貼
