醉滋味 (已結業)

被某飲食雜誌精美o既相吸引o左, 於是約埋朋友一齊o黎食。 Ordered o左個番茄阿拉斯加蟹肉凍湯冷麵 ($128), 但o黎o錯左, 搞到我等o左足足30分鐘先有得食, 仲要一句唔好意思到無! 味道方面, 只可以話淡而無味! 最後要用醋同辣椒醬o黎送碗麵, 好失望! 賣相方面, 同雜誌o既有出入。1) 蟹並唔係拆肉, 而且只係得3小隻蟹鉗, 一啖食o西, 並唔係相片入面o既4舊長蟹肉2) 番茄少o左一半 (相片中除o左一個完整o既番茄外, 仲有6片切o左o既番茄)講真, 成碗麵主要由麵﹑ 番茄同蟹肉組成﹐ 但竟然其中兩樣有出入, 有 d 過份o咼!!最後, 侍應唔識自動加水, 亦都唔識主動留意入面o既檯需唔需要服務, 搞到我同其他食客要企o係到或行出去﹐ 真係要改善一下!o甘o既價錢o係一間服務未到加o既餐廳食一碗唔足料o既麵, don't think I'll be back...