NAM NAM VIETNAMESE CUISINE

營業中

休息中

食物一般，叫了一個豬扒清湯麵，豬頸肉清湯，蒜蓉雞翼，啲湯好似我喺屋企用雞粉開嘅，都唔緊要，最緊要係佢哋啲服務太差仲要收10%服務費，以後都不會幫襯，未食完即刻係咁收碟，食一餐飯都未食完碗面已經要話收咗我兩次，我枱面嗰陣時仲有四隻雞翼四件豬扒三件豬頸肉都未食，碗麵都仲有半碗，只係比湯遮住佢已經係咁要收，第一次收我已經話我未食完到第二次佢又話要收，我嬲起上嚟問佢係咪唔夠碟用啊，跟住佢就走咗去，咁算咩態度呀，我知客多都唔係咁樣㗎，我都有俾錢㗎嘛，已經坐喺中間走廊位已經唔係好舒服㗎啦，左右啲侍應行嚟行去，你仲咁嘅態度唔怪之得香港啲食肆咁差啦又唔係平喎。