影片
更多
2019-05-06
2113 瀏覽
呃LIKE可以，食好西？諗清楚先好決定去！大部份菜式好睇但難食，份量縮水，價錢昂貴，永不錄用！諗住一班朋友去食北京菜，ＯＲ上簡左呢一間好評唔少既餐廳，酒樓泥講價錢都唔算係平，心諗差極都有個限度，點知食物難食，坐位安排古怪，點菜CONFIRM多次仲可以落錯，CONFIRM完漏單唔認仲話要等。有咩可能炒飯要炒夠一個鍾，全部野食曬再等多１５分鐘先上到？食到把幾火。炒飯等左我一個鍾都冇影到，等左咁耐，催足３次飲品＄２０一罐，食水仲勁過新澤西號！我地十幾人，俾左一間房，點知房到角落竟然仲放多張４人枱俾人入，咁我要房泥做咩？不如你講冇啦！點菜，落錯單，我叫佢覆一次，唔耐煩覆左，鐵板牛肉同蔥爆羊肉調轉左，我提返佢有錯。最後，上菜果陣都係錯。服務其次，食物難食先係即命傷，除左前菜叫做ＯＫ一Ｄ，其他菜式仲差過我去普通酒樓食，價錢又高人一截。下面一一道來點解我要第一次特登用咁多時間去俾差評：乞衣雞 - 肉質梅爛，非常非常咸，直接食咸到食唔到，仲要提早訂，全晚最差勁而且最貴既菜式之一。燒二冬 - 冬菇還可以，但冬旬有渣，冇處理乾淨，死症木須肉 - 只算正常，賣相就唔討好了宮保雞丁 - 呢條跟本唔係宮保雞丁，
大部份菜式好睇但難食，份量縮水，價錢昂貴，永不錄用！
諗住一班朋友去食北京菜，ＯＲ上簡左呢一間好評唔少既餐廳，酒樓泥講價錢都唔算係平，心諗差極都有個限度，點知食物難食，坐位安排古怪，點菜CONFIRM多次仲可以落錯，CONFIRM完漏單唔認仲話要等。
有咩可能炒飯要炒夠一個鍾，全部野食曬再等多１５分鐘先上到？食到把幾火。
炒飯等左我一個鍾都冇影到，等左咁耐，催足３次
飲品＄２０一罐，食水仲勁過新澤西號！
我地十幾人，俾左一間房，點知房到角落竟然仲放多張４人枱俾人入，咁我要房泥做咩？不如你講冇啦！
點菜，落錯單，我叫佢覆一次，唔耐煩覆左，鐵板牛肉同蔥爆羊肉調轉左，我提返佢有錯。最後，上菜果陣都係錯。
服務其次，食物難食先係即命傷，除左前菜叫做ＯＫ一Ｄ，其他菜式仲差過我去普通酒樓食，價錢又高人一截。
下面一一道來點解我要第一次特登用咁多時間去俾差評：
乞衣雞
$438
38 瀏覽
0 讚好
0 留言
乞衣雞 - 肉質梅爛，非常非常咸，直接食咸到食唔到，仲要提早訂，全晚最差勁而且最貴既菜式之一。
燒二冬
$98
41 瀏覽
0 讚好
0 留言
燒二冬 - 冬菇還可以，但冬旬有渣，冇處理乾淨，死症
木須肉
$88
45 瀏覽
0 讚好
0 留言
木須肉 - 只算正常，賣相就唔討好了
宮保雞丁
$98
90 瀏覽
0 讚好
0 留言
宮保雞丁 - 呢條跟本唔係宮保雞丁，當我水魚冇食過？
小籠包
$78
56 瀏覽
0 讚好
0 留言
小籠包 - 78 蚊六個，冇特別冇驚喜，算係表現比較好
蔥爆牛肉
$98
29 瀏覽
0 讚好
0 留言
蔥爆牛肉 - 味道尚可，但係我叫既係蔥爆羊肉＆鐵板牛肉，怕佢搞錯特登覆多次單，點知仲係錯
鐵板羊肉
$108
35 瀏覽
0 讚好
0 留言
鐵板羊肉 - 落錯單既產物，你冇睇錯，咁都叫鐵板，煙都冇出，唔好話有炸炸聲。
北京填鴨
$428
29 瀏覽
0 讚好
0 留言
北京填鴨 - 本身最高期望，結果最令人失望既菜式，冇之一。填鴨皮完全係淋既，食落竟然同街巿燒鴨一樣，而且唔夠熱，估計係一早切定。麼麼（餅皮）份量絕對唔夠包曬唔多填鴨，仲要痴埋一舊。劣評劣評劣評...亦都係全晚最差勁而且最貴既菜式之一。
嗆炒手撕椰菜
38 瀏覽
0 讚好
0 留言
嗆炒手撕椰菜 - 味道唔錯，起碼叫有樣好食Ｄ
老家柚子魚
$298
69 瀏覽
0 讚好
0 留言
老家柚子魚 - 縮水柚子魚，碟就大啦，魚就縮水。可能我下庚要問定條魚有幾大，咁賣２９８？汁係泰式甜辣醬＋柚子蜜，唔係咩秘製汁，嘩眾取寵。
香椿拌豆腐
$78
52 瀏覽
0 讚好
0 留言
香椿拌豆腐 - 好食既前菜，豆腐滑，味道好。可惜主菜都係差勁，點都救唔返。
老家心靈美
$78
51 瀏覽
0 讚好
0 留言
老家心靈美 - 好食既前菜，酸酸甜甜開胃，可惜可惜
京城豬皮凍
$88
57 瀏覽
1 讚好
0 留言
京城豬皮凍 - 味道特別，汁都非常好味，如果只有呢道菜，我會俾好評，可惜可惜
四喜烤麩
$78
41 瀏覽
0 讚好
0 留言
京牌炒飯等左我一個鍾，影都冇影到相，味道一般，仲要冇咩餡，２粒星。平時既揚州炒飯都好食過佢。
甜品方面，炒飯要我等一個鍾，我地冇叫到就埋單了
全部朋友都已經唔耐煩，只想早走早去食糖水算，糖水都好食過呢到正餐！
除左前菜同個炒菜，其他全部質素低下，完全配唔上佢既價錢，價性比極低
金玉其外，敗絮其中！唔會有下次，請我都唔會去
題外話/補充資料：
信用卡優惠，訂位果陣就話有，去到就話星期五六日冇，一至四亦只有標價極高既套餐先有，並唔係８５０以上有８５折，完全係騙局！
(以上食評乃用戶個人意見 , 並不代表OpenRice之觀點。)
張貼
