影片
更多
2023-11-12
1343 瀏覽
同朋友黎咗呢間樓上港式火鍋店，餐廳入面用咗充滿香港特色嘅霓虹燈做裝飾，而且仲有露台雅座，可以睇住個靚景吹吓風。芫荽皮蛋滑豆腐湯 $138揀咗呢款皮蛋豆腐湯，清熱下火，做打邊爐湯底就岩哂。入面有大量芫荽可以當菜食，加埋皮蛋同嫩滑豆腐，味道清甜。美國手切牛頸脊 (M) $228牛頸脊只係叫咗中size，但都唔細碟，夠兩個人食。牛肉腍嫩，輕輕淥吓就食得，唔會好肥膩，而且肉味香濃。順德脆肉鯇魚片 $78另外叫咗鯇魚片，肉質爽脆，味道鮮甜而且冇泥味。哈波子手打蝦丸(4隻) $48蝦丸有乒乓波咁大粒，食落爽口彈牙。沙嗲牛肉洋蔥餃 (4隻) $68至於呢款牛肉洋蔥餃就非常有特色，薄薄嘅餃皮包住香濃沙嗲牛肉同清甜洋蔥蓉，濃郁惹味。繽紛鮮果涼粉鍋 $108最後仲叫咗個鮮果涼粉做甜品，餐廳用小鍋裝住涼粉再加上乾冰煙霧離漫嘅效果，吸睛度十足。冰凍涼粉加上西瓜、哈密瓜、芒果、椰絲同紅豆等配料一齊食，甜蜜透心涼。。。去滾 (銅鑼灣)銅鑼灣登龍街1-29號金朝陽中心二期 - Midtown 27樓。。
芫荽皮蛋滑豆腐湯 $138
揀咗呢款皮蛋豆腐湯，清熱下火，做打邊爐湯底就岩哂。入面有大量芫荽可以當菜食，加埋皮蛋同嫩滑豆腐，味道清甜。
美國手切牛頸脊 (M) $228
牛頸脊只係叫咗中size，但都唔細碟，夠兩個人食。牛肉腍嫩，輕輕淥吓就食得，唔會好肥膩，而且肉味香濃。
順德脆肉鯇魚片 $78
另外叫咗鯇魚片，肉質爽脆，味道鮮甜而且冇泥味。
哈波子手打蝦丸(4隻) $48
蝦丸有乒乓波咁大粒，食落爽口彈牙。
沙嗲牛肉洋蔥餃 (4隻) $68
至於呢款牛肉洋蔥餃就非常有特色，薄薄嘅餃皮包住香濃沙嗲牛肉同清甜洋蔥蓉，濃郁惹味。
繽紛鮮果涼粉鍋 $108
最後仲叫咗個鮮果涼粉做甜品，餐廳用小鍋裝住涼粉再加上乾冰煙霧離漫嘅效果，吸睛度十足。冰凍涼粉加上西瓜、哈密瓜、芒果、椰絲同紅豆等配料一齊食，甜蜜透心涼。
。
。
去滾 (銅鑼灣)
銅鑼灣登龍街1-29號金朝陽中心二期 - Midtown 27樓
。
。
張貼
