一門 (已結業)

一門係銅鑼灣黃金廣場開左好多年，食物一直都keep住高質，不過好多新客walkin可能會比門口既藍色芬暗等光嚇親，我第一次都係朋友帶我去先識得食呢間。今晚第一道菜係精選壽司十件，黎一門必試壽司，佢地既壽司不論款式你都食得出食材係好新鮮同落壽司醋既比例恰到好處。除左壽司之外我地仲叫左炸芝士同串燒，即叫即整熱辣辣好食！另外全晚最有驚喜係牛油果鰻魚卷，出面係用pancake皮包住，加埋蟹籽，你係唔會估到呢幾樣食材加埋一齊係咁夾！推薦！最後我地仲加左一個牛肉石鍋飯作主食，濃香夠味，好食。總結，未試過嘅朋友可以黎試左Lunch先，不過記得book位。