一門 (已結業)

好姐妹生日，當然要食佢最愛嘅日本菜啦🇯🇵同事介紹喺黃金廣場嘅一門，menu除左招牌菜～蛋🥚之外，當然唔少得魚生，壽司、丼飯、日式料理等等。傳統日式裝潢，座位濶落舒適。店員細心介紹有禮，讚！  🍣深海池魚皇角切 $240：深海池魚皇又叫縞鰺，比一般池魚大而且矜貴。店員話係夏天嘅時令魚，最適合做刺身。角切呈半透明嘅深海池魚皇，肉質細緻爽口帶油份，鮮味甘香，配埋酸酸地嘅醬油一齊食，一試難忘！推介👍👍👍 🍣壽司盛盒 $160 ： 一共七件嘅壽司盛盒，由廚師發板最新鮮嘅壽司，有我最鐘意嘅海膽軍艦、 香蔥拖羅軍艦、三文魚、吞拿魚、油甘魚同牡丹蝦！海膽香濃厚實，厚厚嘅香蔥拖羅軟綿細滑，三文魚配青檸酸甜汁油脂勁香，油甘魚同吞拿魚腩香甜肥美，牡丹蝦鮮甜冇得彈，最特別小銀魚咸咸地勁好味，呢個盛盒我比滿分💯！🍳東洋卷 $72 ： 蛋香味勁香嘅薄薄壽司皮，包住大大件牛油果🥑，加埋鰻魚同蟹籽，清甜爽口，鎮店之寶必點之選！  🍤大蝦海鮮飯 $148 ：店員推介呢個手作料理～大蝦海鮮飯，大蝦肉扎實鮮甜！配菜海鮮有魚籽、帶子、魷魚等，醬汁濃而不膩，每一啖飯都滿滿配菜同醬汁，口感豐富份量足！ 🥗一門沙律 $78：招牌沙