渝痴漁醉

營業中

休息中

聽朋友講銅鑼灣有一間超級抵食既火鍋放題，咁啱同朋友約食飯緊喺去試吓🤪餐廳空間唔算大，但勝在有氣氛；大家一起吹吓水打邊爐真係好開心！今次就揀咗酸菜魚火鍋任食放題，6點後每人可以食90分鐘仲要免收加一，真係抵到爛！一開始會上咗成盤既酸菜魚，等佢煮滾左之後就可以食，酸菜魚份量十足，一大堆酸菜鋪滿條魚😍見到魚肉有炸過，所以食落好香之餘都唔會嚡👍🏻食完條魚都差唔多半飽🤣🤣食完個煲就可以加湯打邊爐，呢度可以無限追加各款火鍋配料、飲品。大部分常見既丸類同蔬菜都有提供，比如有龍蝦丸、貢丸、芝士腸，而蔬菜就有生菜、大白菜等等，其他既種類例如腐皮串、薯仔片、芋頭塊、蓮藕等都有見到。菇類都好多唔同種類，有杏鮑菇、金針菇同埋冬菇等🔥肉類來講有基本的雞、豬、牛同魚。雞塊都幾大塊，質素都唔錯，食唔飽仲有麵類可以選擇，其中包括有薯粉同寬粉等，平時喺出面食寬粉至少都要$40-50，呢度居然可以無限任食!!!除咗打邊爐，佢仲有些炸物可以自助拎來食，嗰晚就食咗炸春卷、炸雞同魚餅，點埋泰式辣醬真係好正😆😆😆野飲都可以任飲添，有汽水、烏龍茶等，放喺雪櫃入面簡直消暑解渴，清涼解膩。