影片
更多
2016-12-01
11397 瀏覽
天氣開始涼又點可以唔打邊爐，今次就試下佐敦呢間粥底火鍋記得打黎BOOK枱，因為WALK IN好難有位佢係分時段制 分別係6:00 pm - 8:30 pm, 8:30 pm - 11:00 pm, 11:00 pm - 2:00 am今次同朋友BOOK左六點，六點零五分左右到，見到門口企左少少人，安排緊入坐。店內只有兩張二人座（分別係門口和店鋪中間），因為店鋪中間果張已經有客人入坐，所以被安排到門口的二人座（如果介意坐門口位既，記得BOOK左都早少少到或者BOOK個陣睇下可唔可以留返店鋪中間既二人座）。真係唔中意坐門口位，出面有人食煙，啲煙味就吹哂入黎價錢方面 每位$198 無加一收費，飲品需要另外叫每人包七款時令海鮮(今次我地就係蝦，蟹，鮑魚，貴妃蚌，蜆仔，沙白同多寶魚)，仲有五款打邊爐配料選擇一開始會先上一個沙律 咁呢樣當然唔係重點 亦唔好有D咩期望 但係值得一提既係佢既沙律汁係分開上既麻醬如果用唔晒可以留返用黎點如 一陣打邊爐既肥牛/豬肉 之後就陸續上海鮮 記得留意返座位旁邊既牌，會指出每款海鮮要煮既時間同埋每枱都會有個計時器方便大家記錄時間每樣海鮮都好夠新鮮每人半隻蟹好多膏，放
記得打黎BOOK枱，因為WALK IN好難有位
佢係分時段制 分別係6:00 pm - 8:30 pm, 8:30 pm - 11:00 pm, 11:00 pm - 2:00 am
今次同朋友BOOK左六點，六點零五分左右到，見到門口企左少少人，安排緊入坐。
店內只有兩張二人座（分別係門口和店鋪中間），因為店鋪中間果張已經有客人入坐，所以被安排到門口的二人座（如果介意坐門口位既，記得BOOK左都早少少到或者BOOK個陣睇下可唔可以留返店鋪中間既二人座）。真係唔中意坐門口位，出面有人食煙，啲煙味就吹哂入黎
價錢方面 每位$198 無加一收費，飲品需要另外叫
每人包七款時令海鮮(今次我地就係蝦，蟹，鮑魚，貴妃蚌，蜆仔，沙白同多寶魚)，仲有五款打邊爐配料選擇
一開始會先上一個沙律 咁呢樣當然唔係重點 亦唔好有D咩期望 但係值得一提既係佢既沙律汁係分開上既麻醬如果用唔晒可以留返用黎點如 一陣打邊爐既肥牛/豬肉
沙律
88 瀏覽
0 讚好
0 留言
每樣海鮮都好夠新鮮
每人半隻蟹好多膏，放入鍋後一陣就聞到陣陣蟹香味，粥水都微微轉黃色但美中不足既係，已經過左食肥蟹時機，隻蟹太瘦了
蝦好新鮮好活潑 (記得夾實隻蝦放落個鍋到再HOLD住幾秒先放手，唔係就會彈晒D粥水出黎) 蝦比蟹出色，唔止大隻，蝦肉仲十分彈牙
鮑魚夠大隻，彈牙又多肉
貴妃蚌，蜆仔，沙白都OK全部都開口，但味道就唔算好特別，始終只係粥水唔係火鍋湯底，主要靠豉油吊味..
多寶魚份量都算多，依指示時間煮出黎，十分滑溜，只可惜我同朋友唔太好魚食得有少許辛苦當你既海鮮食到咁上下，店員會慢慢開始上五款料
響鈴好脆身不過都係因為係粥水底 所以吸唔到汁 唔夠平時火鍋底濃味 所以差少少
芝心獅子狗咬到中間有啖啖芝士汁流出黎唔錯
黑毛豬梅頭肉推薦 食落口感比肥牛更嫩滑第一次覺得原來肥肉咁好味
肥牛唔會太肥 味道都唔錯 但相比下黑毛豬梅頭肉會更吸引
自家製手打雞骨丸 有驚喜 第一次食 應該係雞肉加入雞軟骨碎搓成 有兩重口感幾特別 都值得一試
當食完既時候，職員會幫你整爛D芋頭粒同南瓜粒再加入粥膽，等個粥膽煮到又綿又吸晒海鮮味就大功告成個粥有陣陣既海鮮味，不過其實最特出既係D蟹味 其他味都比佢蓋過哂
整體黎講以$198呢個價錢可以食到7款海鮮又有得坐兩個幾鐘拾下拾下 傾下計絕對係超值
不過對我黎講個粥其實可有可無 因為我地唔係好粥之人。如果可以揀返正常打邊爐既湯底會更好
題外話: 店員好主動幫手清碟同煮粥。雖然坐滿哂人，又坐門口，但都唔會有比人忽略既感覺，好窩心
張貼
