菊月町 (已搬遷) 新店位置

朋友喺觀塘返工，今日約咗佢食飯。菊月町喺工業區嘅一個角落，店內坐位大約有十幾個，想食嘅最好訂位。枱面上有可愛貓貓筷子托。今晚食【二人前 鐵板餐$688】，先嚟每人一碗湯同沙律。望住師傅即席烹調，我哋都好有期望。之後嘅嘢食都係二人Share的。 第一碟係兩片瓜、兩片菇、兩件銀鱈魚同四件櫻花蝦廣島蠔。最好食係廣島蠔，蠔身飽滿，配埋櫻花蝦食，好食。第二碟係鐵板炒雜菜、兩件鵝肝多士、同四件美國安格斯薄片。 鵝肝多士係四份之一塊方包製成，一口啱啱好！第三碟係炒飯，雞蛋炒的，有數點煙肉。 飯粒炒得分明。