海雲台 (已結業)

放假出長洲鬆一鬆，因為訓到太晏搞到2點先入到長洲，就去左比較少人既一間黃店試試。店舖有好多靚靚手繪紙皮，手足們當然要大力支持我地點左海鮮豆腐湯+韓式牛肉炒粉絲海鮮豆腐湯有青口、魚糕、蝦、豆腐、粉絲、芽菜，都算足料，海鮮幾新鮮入味，個湯微辣，加飯落去變湯飯，好好味，冬天食辣+飲湯可以暖胃呢男友個牛肉炒粉絲似乎牛肉太少，但有加麻油炒，食落好香，粉絲滑溜，唔會過濕/太乾，但可以俾多d蘿蔔+芽菜增加口感我點左凍柚子蜜，好甜好好飲男友杯熱鹹柑桔酸酸地幾開胃