富寶會所私房菜

營業中

休息中

今晚同朋友來食開年飯，之前訂位老闆介紹了三個套餐，後來揀了個$4680的餐，兼告知他們飯前會打牌，過往去開會所晚飯，雀局都是免收的。因朋友坐飛機過來，班機delay左,通知遲一小時開飯，唔知係咪因為咁，食物味道差了，菜有陣up味，感覺焗了好耐，心諗唔係通知上菜先準備咩？食完埋單，見到收多了$630雀局鐘錢，於是即刻問職員，他們告知係要另外收費，第一次去會所食飯食一圍之前雀局係要收錢，就算酒樓都唔收！最重要係訂枱時冇講明，你如果有話我知訂就算一席，飯前打牌都要收雀局鐘錢架！咁我有權決定仲訂唔訂呢間食。收錢時先講，感覺焗住比，如果係因大時大節要收，理應訂座時告知，現在打完，食完，埋單先話要比多幾百蚊，唔老實囉！成班朋友都唔開心，食物又大不如前，新年流流，做左水魚。