La Parrilla Steakhouse

餐廳分開兩個用餐地方，食pizza 係另一個位置，店內的紅磚牆同掛畫，都特顯餐廳嘅風格。餐廳分別都有二、四、六人枱。番茄濃湯番茄味道濃郁，飲得出用咗好多番茄熬製出嚟，質感厚實，唔係罐頭湯。PIZZE(7吋)番茄、意大利水牛芝士、初榨橄欖油入口嘅Pizza ，口感鬆軟，水牛芝士同番茄最佳配搭，咬落芝士柔軟，亦帶出微酸嘅番茄味道，食落一d都唔覺膩。阿根廷檸汁醃蝦醃蝦肉質清爽而彈牙，檸汁似泰式嘅醬汁，味道帶小小酸，拌勻櫻桃蘿蔔、青瓜同蝦，令人胃口大開。田園蔬菜沙律新鮮蔬菜有青瓜、紫洋蔥、番茄仔、火箭菜。配搭用生果做嘅醬汁，每口爽口清新，醬汁更顯蔬菜嘅清甜。特級精選阿根廷封門柳7成熟封門柳，入口肉質柔軟，肉味香濃有肉汁，沾芥末醬刺激味蕾，香草橄欖油帶出香氣。香蒜炸薯條原個薯仔切條即炸嘅薯條係最正，香蒜野味，薯條香脆，會不經意食唔停。自家製阿根廷油條油條外面有糖粉，咬落鬆化又香脆，帶有甜甜嘅味道。很適合作為飯後甜品，細細條又唔會太油膩。