雲南啊老表黑羊湯鍋米綫 (已搬遷) 新店位置

得知佐敦開左分店，原本都諗住一試阿老表嘅羊肉米線。既然咁啱嚟到觀塘開飯，就係始祖店試下。一般米線店間局，座位幾逼，全晚都座無虛席，一入一出，係要快食快閃。初次嚟食，當然係揀清湯羊肉米線！可加$1轉酸辣湯，加$1要酸菜，可揀公仔麵、米粉或米線。有大細之分，其實細碗已經係出面米線份量嘅1.5倍，夠哂飽。個清湯好夠味，果然係好香羊肉味，但並無半點蘇味，簡單咁加上香葱已經好足味，正呀！米線雖然係配角，但亦比坊間食開嘅滑身。 主角黑山羊可選淨瘦戓帶皮。怕肥可選帶皮，但帶皮嘅羊肉更具咬口同香味。羊肉片切得薄身，唔會難咬，份量多d就更好了。羊肉無加大量調味料醃製，較為淡味，但就可以品嚐到羊肉鮮味。 食完成碗都唔口渴，無味精嘅鮮湯羊肉米確係速食嘅優質之選！