影片
更多
2024-06-04
64 瀏覽
上環呢間環境好舒服，有兩層，呢個dinner set由宜家去到8月尾都有6折！真係幾抵食！14貫壽司套餐 $1380 （6折後$828）✨先付👉🏻博多縣長茄子配木魚絲，茄子軟熟，帶少少薑味，清新開胃～👉🏻白梅貝，肉質爽彈鮮甜。👉🏻螢光魷魚配柚子味噌，多膏濃郁！✨14貫壽司🍣1.愛媛縣蜜柑鯛呢款鯛魚係用蜜柑皮餵飼，口感軟淋，入口充滿淡淡柑香。2.帆立貝厚肉鮮甜，面頭加咗青檸汁，味道更清香。3.深海池魚魚香味濃郁，肥而不膩。4.金目鯛肉嫩鮮美，火炙完好香，魚皮少少脆幾爽口。5.赤貝新鮮爽口，中間加左少量柚子皮調出鮮味。6.梭子魚經過炙燒燒香魚皮，脆身，魚肉鬆軟，面頭有磨香左嘅芝麻，更香口！7.間八魚北海道麵豉醬充滿香氣。8.幻星鰹係一種粉紅色嘅鰹魚BB，師傅話呢款深海魚係用手釣，所以好珍貴，肉質好幼嫩。輕輕炙燒過再配左九州博多萬能蔥。9.池魚軍艦加左薑汁同蔥花調味，更帶出魚嘅鮮味，全部味道都好出！10.新鮮銀鱈魚刺身級數銀鱈魚果然係正啲，好滑好幼嫩，真係入口即溶咁。11.大拖羅油脂分布平均，入口即溶！ 12.黑鯥魚油分比較高，肥美帶甜，口感有啲似斑類，魚味清新。13.鯖魚棒炙燒鯖魚面頭加左
14貫壽司套餐 $1380 （6折後$828）
✨先付
👉🏻博多縣長茄子配木魚絲，茄子軟熟，帶少少薑味，清新開胃～
👉🏻白梅貝，肉質爽彈鮮甜。
👉🏻螢光魷魚配柚子味噌，多膏濃郁！
✨14貫壽司🍣
1.愛媛縣蜜柑鯛
呢款鯛魚係用蜜柑皮餵飼，口感軟淋，入口充滿淡淡柑香。
2.帆立貝
厚肉鮮甜，面頭加咗青檸汁，味道更清香。
3.深海池魚
魚香味濃郁，肥而不膩。
4.金目鯛
肉嫩鮮美，火炙完好香，魚皮少少脆幾爽口。
5.赤貝
新鮮爽口，中間加左少量柚子皮調出鮮味。
6.梭子魚
經過炙燒燒香魚皮，脆身，魚肉鬆軟，面頭有磨香左嘅芝麻，更香口！
7.間八魚
北海道麵豉醬充滿香氣。
8.幻星鰹
係一種粉紅色嘅鰹魚BB，師傅話呢款深海魚係用手釣，所以好珍貴，肉質好幼嫩。輕輕炙燒過再配左九州博多萬能蔥。
9.池魚軍艦
加左薑汁同蔥花調味，更帶出魚嘅鮮味，全部味道都好出！
10.新鮮銀鱈魚
刺身級數銀鱈魚果然係正啲，好滑好幼嫩，真係入口即溶咁。
11.大拖羅
油脂分布平均，入口即溶！
12.黑鯥魚
油分比較高，肥美帶甜，口感有啲似斑類，魚味清新。
13.鯖魚棒
炙燒鯖魚面頭加左塊白昆布，搭配混合左紫蘇葉嘅壽司飯，用紫菜包住食，香氣濃郁。
14.北海道馬糞海膽
濃厚甘甜，一啖KO超滿足～
✨麵豉湯
✨甜品
抹茶奶凍🍵 香滑奶香配上濃郁抹茶醬，仲有一粒甜甜的黑豆甘露煮，呢個組合冇得頂💕食到好味甜品收尾滿足～
張貼
