影片
更多
2023-05-12
89 瀏覽
星期五晚happy hour好去處近排好多人都返大陸玩，我都唔例外，內地確係美食好多！但都好容易中伏，所謂網紅店個d，上次去食串燒真係難食到嘔 😟可能係因為太多人 ，燒得唔夠惹味就上枱🥲 變相有啲根本都唔熟🙃或者燒得唔夠火候 所以上次食完之後我同朋友都負評不斷👎直至係香港行去尖沙咀，喺寶勒巷附近飲嘢無意中發現呢一間隱世串燒店，價錢唔算太貴，就膽粗粗咁上咗去！串燒嘅嘢,覺得食落唔好食可以隨時走呀嘛😂😂上咗去之後發覺整個店舖格調都好日系，好似去咗日本居酒屋咁🥳入邊播既都係日本嘅飲食節目，好有日本feel(對於近排冇假放去唔到日本嘅我簡直係可以慰藉我嘅故鄉相思之苦）😌一坐低店員已經好熱情同我哋介紹有啲咩王牌好味野🤩 我哋叫咗澳洲生蠔，牡丹蝦刺身，北海道帆立貝刺身，日本雞心串燒，脆米流心芝士波，自家製甲羅燒伴法包，炸池魚仔等等。。一開始就去前菜，甜甜酸酸好開胃佢地上菜都上得好快，同大家介紹下炸池魚仔炸得好香的，外脆內嫩，魚味濃郁，配上沙律醬後，酸酸甜甜咁樣好正！自家製甲羅燒伴法包蟹肉夾埋蟹膏，鮮味好濃，配上法式麵包味道真係食到舐舐脷😋牡丹蝦刺身牡丹蝦好有鮮味，食落口仲隱隱約約有海水味，正！澳洲
近排好多人都返大陸玩，我都唔例外，內地確係美食好多！但都好容易中伏，所謂網紅店個d，上次去食串燒真係難食到嘔 😟
可能係因為太多人 ，燒得唔夠惹味就上枱🥲 變相有啲根本都唔熟🙃或者燒得唔夠火候 所以上次食完之後我同朋友都負評不斷👎
直至係香港行去尖沙咀，喺寶勒巷附近飲嘢無意中發現呢一間隱世串燒店，價錢唔算太貴，就膽粗粗咁上咗去！串燒嘅嘢,覺得食落唔好食可以隨時走呀嘛😂😂
上咗去之後發覺整個店舖格調都好日系，好似去咗日本居酒屋咁🥳
入邊播既都係日本嘅飲食節目，好有日本feel(對於近排冇假放去唔到日本嘅我簡直係可以慰藉我嘅故鄉相思之苦）😌
一坐低店員已經好熱情同我哋介紹有啲咩王牌好味野🤩 我哋叫咗澳洲生蠔，牡丹蝦刺身，北海道帆立貝刺身，日本雞心串燒，脆米流心芝士波，自家製甲羅燒伴法包，炸池魚仔等等。。
一開始就去前菜，甜甜酸酸好開胃
佢地上菜都上得好快，同大家介紹下
炸池魚仔
炸得好香的，外脆內嫩，魚味濃郁，配上沙律醬後，酸酸甜甜咁樣好正！
自家製甲羅燒伴法包
蟹肉夾埋蟹膏，鮮味好濃，配上法式麵包味道真係食到舐舐脷😋
牡丹蝦刺身
牡丹蝦好有鮮味，食落口仲隱隱約約有海水味，正！
澳洲生蠔
呢個真心冇得輸，海水味直情浸住個生蠔， 好似置身係海灘食緊隻生蠔咁，超級juicy,肥美大隻好岩我呢d蠔友😋
北海道帆立貝刺身
呢個又係肥美大件，沾少少wasabi食味道更濃郁
日本雞心串燒
燒既火候啱啱好，咬落chap chap聲，好有口感😋
脆米流心芝士波
芝士波太大粒，一咬d芝士必曬出嚟，食完呢個食其他嘢，浸芝士味都仲揮之不去，好好味💖
整體嚟講呢間係同朋友聚會，happy friday嘅好地方，畀我一個不中伏的美味好體驗🥰
2 瀏覽
0 讚好
0 留言
張貼
