影片
更多
2019-09-29
1568 瀏覽
呢日拎咗下午假去新蒲崗整啲嘢，整完都五點幾，所以同朋友決定喺到早早哋食埋個晚飯先。呢頭真係唔熟，所以喺openrice搵下有乜好食，碌碌吓見到有間叫小龍蝦🦞嘅餐廳，個名吸引咗我，再望下見到有人推薦炒薯粉，見幾特別就試下啦😉。餐廳門口就貼咗好多用螢光紙手寫嘅餐牌，✍🏻手字幾靚，有好多嘢食，全部都超平，客飯連飲品$3x搞掂。餐廳環境都幾舊幾簡陋，不過唔算好細，入面都有唔少枱，下午5點幾已經有唔少人食緊嘢，持續都有街坊中佬🧔🏽入嚟幫襯，我哋自己搵位坐低先。由於有目標，所以好快就可以落單，大部分嘢食都包飲品，凍飲都唔使加錢添😍，但可樂就加$3。題外話，呢到得一個哥仔負責樓面同廚房水吧所有嘢，勁忙，好犀利👍🐷豬扒炒薯粉($43)(麻辣+$3)，嗌呢個係因為見到人哋推介，嚟到就有微香，但唔算好重麻辣香，而個樣都幾吸引，因為塊豬扒係煎到靚靚再切開鋪上面，下面就係透明bling bling閃✨嘅炒薯粉，夾埋椰菜絲一齊炒，隻碟唔大，但份量係超多個。味道幾好食喎🤤，首先係夠鑊氣，熱辣辣送上，第二薯粉係煙煙韌韌，個質感好正，而呢到隻薯粉係較幼同扁身的，比較特別。味道唔會好鹹，所以隻麻辣味同我想像中有啲唔同，
呢日拎咗下午假去新蒲崗整啲嘢，整完都五點幾，所以同朋友決定喺到早早哋食埋個晚飯先。呢頭真係唔熟，所以喺openrice搵下有乜好食，碌碌吓見到有間叫小龍蝦🦞嘅餐廳，個名吸引咗我，再望下見到有人推薦炒薯粉，見幾特別就試下啦😉。
餐廳門口就貼咗好多用螢光紙手寫嘅餐牌，✍🏻手字幾靚，有好多嘢食，全部都超平，客飯連飲品$3x搞掂。餐廳環境都幾舊幾簡陋，不過唔算好細，入面都有唔少枱，下午5點幾已經有唔少人食緊嘢，持續都有街坊中佬🧔🏽入嚟幫襯，我哋自己搵位坐低先。由於有目標，所以好快就可以落單，大部分嘢食都包飲品，凍飲都唔使加錢添😍，但可樂就加$3。題外話，呢到得一個哥仔負責樓面同廚房水吧所有嘢，勁忙，好犀利👍
88 瀏覽
0 讚好
0 留言
🐷豬扒炒薯粉($43)(麻辣+$3)，嗌呢個係因為見到人哋推介，嚟到就有微香，但唔算好重麻辣香，而個樣都幾吸引，因為塊豬扒係煎到靚靚再切開鋪上面，下面就係透明bling bling閃✨嘅炒薯粉，夾埋椰菜絲一齊炒，隻碟唔大，但份量係超多個。味道幾好食喎🤤，首先係夠鑊氣，熱辣辣送上，第二薯粉係煙煙韌韌，個質感好正，而呢到隻薯粉係較幼同扁身的，比較特別。味道唔會好鹹，所以隻麻辣味同我想像中有啲唔同，但都幾好食。不過愈食愈辣🌶，開頭ok完全食到，但食到大半我真係頂唔順🙈。
豬扒炒薯粉
$43
92 瀏覽
0 讚好
0 留言
🐔干炒雞扒米($41)，朋友叫呢個食，嚟到一開始見到咦啲米粉咁白嘅，無乜色水咁，所以諗可能會好淡。朋友食咗啖之後，同我講好好食喎，我就即刻試。哇一食發現真係勁好食😋，因為我鐘意食炒米粉，佢個米粉比較粗身，而且炒到好爽口彈牙，唔係淋patpat嗰種，又唔淡幾香口😛。另外佢塊雞扒真係煎到金黃色，好好食，皮脆肉嫩。估唔到佢嘅雞扒同米粉係仲好食過豬扒同薯粉，真係好出色👍👍👍，而且米粉份量亦好多，但食落無薯粉咁滯。
干炒雞扒米
$41
142 瀏覽
0 讚好
0 留言
飲品我哋都係叫咗凍奶茶，唔使加錢真係超抵，都幾好飲，唔太甜太澀，仲好啱我解辣🤪。連嘢飲都係由個哥仔沖，真係好勁。
42 瀏覽
0 讚好
0 留言
總括嚟講，佢係一間行過勁唔起眼嘅普通街坊餐廳，就咁望真係未必會入去。環境同衛生就一般般啦，但一定未到惡劣。而食物方面，講返先就係無小龍蝦賣🙈，而係普通賣下炒粉麵、客飯嗰啲，全部都勁抵食‼️‼️，如果我住附近或者喺附近返工，一定會成日幫襯。我今日嗌嗰兩碟炒嘢都超好食，比平日茶記好食好多，炒米粉更加有驚喜！如果我再經過新蒲崗，我一定會返嚟再食👍👍👍。
張貼
