影片
更多
2023-06-08
562 瀏覽
晚四人行s，想同屋企人食餐靚靚地又靜靜地嘅dinner，通常都會揀啲乜都有 款式多嘅餐廳，滿足佢哋唔同要求嘛。合和中心，原來有間日本嘢，位置近囍帖街，過條天橋就到，都算方便易到。敞開大門，餐廳走江戶時代風格，以一色木調設計，方型枱仔都幾啱3,4人傾下偈。◾︎刺身5點拼盤◾︎薄切白身魚以居酒屋🏮嚟講，質素有驚喜！三文魚同赤身好穩陣，帶子同蝦都鮮甜厚肉，後面係鯛魚爽身同彈牙。最緊要擺盤靚仔，唔係放上堆冰度。白魚身魚味濃重，配一個酸酸甜地嘅柚子汁，開胃醒神亦提鮮！師傅刀工幾好👍整齊 厚薄亦好平均。◾︎卷物 蟹肉牛油果卷胡麻火炙三文魚卷一份份量唔細，啱晒同行又唔食刺身嘅朋友。蟹肉牛油味卷較清淡，而三文魚同胡麻好夾，再輕輕灸燒過，油脂更出。◾︎串燒雞肉京蔥串免治雞肉串燒翠玉瓜鹽燒活鰻有酒又點會少得串燒，估唔到都有小驚喜。首先佢上枱時係超熱，食串燒係重要。鰻魚爽口嘅程度就好似食白鱔咁樣，爽口彈牙，厚肉而且乾身脆卜卜，京蔥雞肉調味唔錯，免治雞肉，亦食得出係真材實料，如果可以加隻雞蛋就更加正。咁多肉類想食少少菜，翠玉瓜，出奇地甜同清新。◾︎天婦羅虎蝦，南瓜，蕃薯天婦羅逐件計嘅天婦羅，真係有啲貴㗎，不過價錢絕對對
合和中心，原來有間日本嘢，位置近囍帖街，過條天橋就到，都算方便易到。
敞開大門，餐廳走江戶時代風格，以一色木調設計，方型枱仔都幾啱3,4人傾下偈。
◾︎刺身5點拼盤
◾︎薄切白身魚
以居酒屋🏮嚟講，質素有驚喜！三文魚同赤身好穩陣，帶子同蝦都鮮甜厚肉，後面係鯛魚爽身同彈牙。最緊要擺盤靚仔，唔係放上堆冰度。
白魚身魚味濃重，配一個酸酸甜地嘅柚子汁，開胃醒神亦提鮮！師傅刀工幾好👍整齊 厚薄亦好平均。◾︎卷物
蟹肉牛油果卷
胡麻火炙三文魚卷
一份份量唔細，啱晒同行又唔食刺身嘅朋友。蟹肉牛油味卷較清淡，而三文魚同胡麻好夾，再輕輕灸燒過，油脂更出。
◾︎串燒
雞肉京蔥串
免治雞肉串
燒翠玉瓜
鹽燒活鰻
有酒又點會少得串燒，估唔到都有小驚喜。首先佢上枱時係超熱，食串燒係重要。鰻魚爽口嘅程度就好似食白鱔咁樣，爽口彈牙，厚肉而且乾身脆卜卜，京蔥雞肉調味唔錯，免治雞肉，亦食得出係真材實料，如果可以加隻雞蛋就更加正。
咁多肉類想食少少菜，翠玉瓜，出奇地甜同清新。
◾︎天婦羅
虎蝦，南瓜，蕃薯天婦羅
逐件計嘅天婦羅，真係有啲貴㗎，不過價錢絕對對板。虎蝦係我食過咁多隻天婦羅之中top5好食，大隻爽口唔梅口。南瓜同埋番薯粉漿好薄，而且唔會過於吸油。
◾︎主食
滑蛋鰻魚石頭燒飯
蕃茄海鮮石頭燒
蕃茄海鮮🦞最後上，飲完碗湯暖笠笠，蕃茄味好濃加埋豆腐好好。海鮮亦都唔係急凍海鮮，未到好鮮甜。
鰻魚滑蛋石鍋上，上到枱中非常之咁熱，自己炒令到個底有少少飯焦，香口得嚟有咬口。
◾︎飲品
蜜桃梳打
荔枝梳打
日落黃昏
西柚梳打燒酌
居酒屋嚟講，價錢完全唔貴，亦都唔係用同糖水溝出嚟嘅味道。日落黃昏有柚子味，酸酸地酒精味重。
整體來講，就好似食咗一餐精緻嘅放題咁，咩都有得揀，最緊要味道好唔錯！值得一讚，嗌咗唔同種類，店員會分好次序上枱，而且每個時間都控制得好好👍上枱都keep到熱辣辣同脆卜卜
張貼
