捌加廿陸天婦羅居酒屋

營業中

休息中

隱世日式炸丼小店充滿日本風情既日式居酒屋小店，餐廳主打食天婦羅，有自選定食，冷熱烏冬，蕎麥麵都有得揀。唐揚炸雞丼丼飯跟左前菜同龍蝦味噌湯，炸雞炸到金黃，入面保持到濕潤嫩滑， 亦唔會太油，醬油味香濃，唔會過咸。另外亦可以散叫天婦羅，試左活虎蝦，原條穴子，同九肚魚。天婦羅全部即叫即炸，炸漿夠薄，活虎蝦肉質扎實彈牙，蝦味濃郁。原條穴子有成隻手掌咁長，再配埋天婦羅醬汁，另一番味道。成間鋪雖然位置唔多，但充滿日本風味裝修，好似返咗日本咁樣。