肆年八月米線專門店 (已搬遷) 新店位置

早輪上網見到推介米線對呢間隱世餐廳幾有興趣就趁閒日下晝過嚟試試村口有錶位，閒日嚟都多位駕駛人士可以放心😬舖頭唔大，店內大概10幾個座位我去嘅時候天氣唔算熱加上我懶得等位，就揀咗坐舖外嘅座位環境其實都ok舒服嘅舖頭主打米線，尤其係滷水配料因為加咗麥芽糖，味道比一般的甜，幾特別特製麻辣湯底加入自家炒製辣肉燥雖然味道幾香，味道都好夠不過嗜辣嘅我就嫌唔夠辣配料雞絲份量十足，好吸引！相比之下蕃茄湯米線🍜反而有驚喜飲落有濃濃嘅蕃茄味配米線一啖食真係幾正😆小食就試咗炸饅頭熱辣辣脆卜卜真係好好味😋另外都有試招牌手拉奶茶感覺就無乜特別啦舖頭細細，但有人情味希望大家都多啲支持小店大家都可以有更多選擇！