影片
更多
2024-03-20
27 瀏覽
今次嚟呢間西餐廳，以為係普通西餐廳，但好有驚喜！餐廳燈光昏暗，有情調，環境幽靜，幾適合特別場合嚟慶祝或者聚餐🕯️！食材用料都特別高質，裏面有自家魚缸，自家養殖咗啲海鮮，用料新鮮！每道菜都係即叫即整，食得出廚師嘅心思！👍🏻餐具同碗碟嗰啲都相對上講究，就返客人進食嘅速度，逐道逐道菜上，偏向法式Fine Dining嘅感覺，店員仲會好貼心咁替換餐碟，食物嘅味道都唔會撈埋一齊，呢啲細節位加分！整體嚟講，呢間嘢絕對值得take 2！-----------------------------— ᴏʏꜱᴛᴇʀꜱ —嚟蠔吧當然要試一試佢嘅生蠔🦪，老闆推介咗愛爾蘭Irish WSB（$53）同法國Ostra Regal（$57），愛爾蘭嘅蠔比較淡味，海水味偏重；法國蠔相對大隻，特別鮮甜！— ꜱᴏᴜᴘ —🧅◖法式芝士焗洋蔥湯◗ $98洋蔥湯熱辣辣又香，另外有三片焗芝士梳打餅，點上洋蔥湯食，鹹香鹹香咁，好食！🫕◖招牌蠔湯◗ $98蠔湯裏面真係有蠔肉，仲有啲麵包粒，唔會求其攞啲罐頭湯敷衍下，湯底黏稠，食到粒粒軟爛嘅薯仔，口感同鮮味都max！— ᴀᴘᴘᴇᴛɪᴢᴇʀ —🦀◖自家製蟹餅◗ $188蟹餅炸得香脆，裏面真
餐具同碗碟嗰啲都相對上講究，就返客人進食嘅速度，逐道逐道菜上，偏向法式Fine Dining嘅感覺，店員仲會好貼心咁替換餐碟，食物嘅味道都唔會撈埋一齊，呢啲細節位加分！整體嚟講，呢間嘢絕對值得take 2！
-----------------------------
— ᴏʏꜱᴛᴇʀꜱ —
嚟蠔吧當然要試一試佢嘅生蠔🦪，老闆推介咗愛爾蘭Irish WSB（$53）同法國Ostra Regal（$57），愛爾蘭嘅蠔比較淡味，海水味偏重；法國蠔相對大隻，特別鮮甜！
— ꜱᴏᴜᴘ —
🧅◖法式芝士焗洋蔥湯◗ $98
洋蔥湯熱辣辣又香，另外有三片焗芝士梳打餅，點上洋蔥湯食，鹹香鹹香咁，好食！
🫕◖招牌蠔湯◗ $98
蠔湯裏面真係有蠔肉，仲有啲麵包粒，唔會求其攞啲罐頭湯敷衍下，湯底黏稠，食到粒粒軟爛嘅薯仔，口感同鮮味都max！
— ᴀᴘᴘᴇᴛɪᴢᴇʀ —
🦀◖自家製蟹餅◗ $188
蟹餅炸得香脆，裏面真係一絲絲蟹肉，有獨特嘅香草味，配上牛油粟米同龍蒿醬汁，幾特別好精緻嘅一道料理
🍗◖秘製炸雞翼◗ $128
呢度菜嘅食材就相對普通，雞翼醃得入味，灑上瑪莎拉粉，雞皮炸得薄脆香口，一啲粉漿都冇，少啲功夫都炸唔出嚟
— ᴍᴀɪɴ ᴄᴏᴜʀꜱᴇ —
🍢◖紐西蘭羊肉串燒◗ $238
呢款係廚師推介菜式，採用優質食材，不定期會轉。串燒有四舊BB羊肉🐑，串上彩椒同洋蔥去燒，羊肉係一口嘅尺寸，肉質軟腍，咬落去超多肉汁，外皮卻有少少炭香，大推！
🥘◖西班牙海鮮焗飯◗ $298
意大利飯面頭舖上多款海鮮，有大大隻西班牙紅蝦🦐、帶子、青口、蜆，用嘅海鮮好高質，而且超足料！飯底份量唔會太多，用上西班牙番紅花一齊燴煮，呈鮮艷嘅紅色，飯粒偏硬頗有咬口，吸晒海鮮嘅鮮味，正！
— ᴅᴇꜱꜱᴇʀᴛ —
🍨◖自家製果仁奶凍◗ $108
自家製嘅低糖奶凍雪糕，裏面係用焦糖炒過嚟嘅開心果同榛子碎，食落好香口，好滿足🥴～
🌟Encore指數：9.4/10
張貼
